ch'capuchon
par maurice devos le, 05/06/2013un tiot souvenir qui m'a arvénu apres qu'j'ai lu un commentaire ach'te sujet "capuchon"
quand j'allos cor à l'école , in d'allot à pied bin sur et quand y pleuvot, ou quand y faijot frod in étot bin contint d'avoir sin capuchon
ech'premier yetot surtout pour el frod , ch'sais pas que matière qu'chétot mais chétot du naturel, genre ed'laine tout ouvert ed'vant, in l'posot d'su nos épaules et in fermot chés 4 ou 5 boutons et in plus yavot l'capuche
mais comme y m'la rappellé jean marie , quand y pleuvot et qu'yétot bin fraique , y pésot au moins el'tripe ed'sin poids , mais chétot vraimint bin caud
et pi y n'da eu in aute , mais la chétot du caoutchouc relativmint souple quand y faijot bon , mais des qu'cha rafraichissot cha s'raidichot , et cha frottot d'su nos mollets d'coqs , cha devenot très douloureux
el'peu qu'in avot nos bottes qui frotottent aussi d'su nos mollets cha devenot terripe , des fos quand j'y arpinse j'n'ai cor du maux