variétés à la télévision et les Compagnons de la Chanson...
par minloute le, 07/06/2013comme cha , des idées qui m' passent par la tete, d' abord chéto en noir et blanc, yavo jean nohain , pi j' vo aussi raymond marcillac qui présento eune émission l' diminche aprés midi du qui yavo un jeu qui opposait des étudiants d' différents colleges tout cha sous la houlette de maitre capellovicci.....
là in vo les débuts de mireille mathieu, in vo jean ferrat et isabelle aubret, guy béart avec s' guitare, pi bin sur gilbert bécaud avec s' cravatte à pox...
sans oublier alain barriere, bref tous des canteux qu in avo pas trop ker vire quand qu in éto tchiot ,cor que j' do vous avouer , mais j éto jone , in maronnes courtes, que j avo un faible pour mireille mathieu à ses débuts ....
yavo aussi bin sur thierry le luron qui commincho s' carriere, et aussi michel drucker comme animateur
et y avo les compagnons d' la chanson.... alors al' mason chéto toudis l' meme débat quand qu in les voyo canter ...
j' vous dis ché commentaires
fred mella, ch' canteux principal " toudis in train d' sourire chtilale, meme quand qui do tchier s'crotte"
min père i m arprenno "minloute ....."
Gérard Sabbat, chtilale in l avo ker pasque y "avo eune tiete d' clown, toudis in train d' sourire" comme si chéto un facétieux ,ch' rigolo du groupe ...
un peu comme Jean Pierre Calvet, pareil in l' trouvo rigolo
Jo Frachon, ch' grand à l arriere , avec ses grantes leunettes, li chéto quéqu un d' sérieux, in tout cas ch'est l imache qui donno ...
mais nous al' mason not' préféré , chéto Guy Bourguignon, et c'que j' va écrire aprés j' peux vous dire qu in l avo ker et qu in l' respecto
quand qui yavo les compagnons d' la canchon al' télé, j' vous parle d un temps oh bin révolu, du qu' min frère éto cor al' mason et que avec li , in formo un groupe du ginre "double patte et patte à fil" ou " laurel et hardy" , in s' disputo cor assez souvint mais in rigolo souvint ensempe ...
cha date ...
et quand qui yavo les compagnons d' la canchon al' télé, in les imito, et là min père i prenno leur défense in dijant toudis l' meme phrasse " mais ché normal, quand qu on est dans eune chorale (min père y avo été très longtimps) plus qu in articule, plus qu on s' exprime , plus qu in pourro croire qu in fait des grimaces..."
not' préféré chéto Guy Bourguignon... y a plein d' chosses qui m' font busier asteure, d' abord que ch est des viux souvenirs vu qui est décédé en 1969...
quand qu in a su qui éto décédé, mi j a eu l impression qui éto viu, faut dire que quéqu un qui avo 49 ans pour un éfant d' 9 ans , cha comminche à faire ....
nous Guy Bourguignon, in l avo ker pasque , j' su désolé del dire asteure, y avo des grantes dints, alors quand qui canto, meme si yéto à l arriere du groupe in avo l impression qu' au fond in voyo qu' ses dints ...
et avec min frère in l avo surnomé "Muche tes dints", cha veno d' l expression "muche tes dints vla ch' marchands d' ios qui passe" , ouais d autes diront qui avo les dints qui courotent après ch' beefteak, mais j' prèfère l' surnom qu in li avo donné "Muche tes dints" ...
d' ailleurs autant min père i ralo , pasque avec nos pitreries i pouvo pas intinte les compagnons canter tranquil'mint ...
autant m' mère ale éto bon public et i suffiso des' tourner vers elle avec ché dints d' sorties , pour qu ale parte dins zin rire en cascatte , que meme min père si i ralo au début, cha l'faijo rire aussi .....
sur la photo jointe, ch'est eune viele pochette d' disque qui yavo à mon d' chez mes parints, not' Guy Bourguignon, not' "muche tes dints" in l' vo , y est à gauche au dernier rang del carette ...
après y a meme eu un "nouviau" qui a intégré le groupe chéto l' fameux "gaston" qui éto connu pour avoir animé l émission d' midi premiere un momint avec daniele gilbert ...
mais pour nous chéto "eune pieche rapportée"
et pour terminer yavo un compagnon d' la canchon qui nous paraisso sympathique, et j' diro aussi "accessipe" pasque yavo eune calvitie ,loin d ' l'imge du "bio gosse" de Fred Mella, chéto Jean Louis Jaubert
et Jean Louis Jaubert i vient d' nous quitter , y est décédé le 3 juin 2013 à l age de 92 ans
salut l artiste ....
( 1 photos)