s' foute al' coiette
par minloute le, 16/06/2013que caleur mes gins, in sait pu du que s'mette....sur que quand qui fait caud dins ch' pas d' calais, in n a pas l habitute ....
l' après midi té voyo pas grinmint d' gins dins ché rues...
sul' route , par momints, odeur d' goudron, ch'bitume i luit sul'sol, i fond à laicher arsortir des graviers
"marche pas d'dins, té va bouziller tes godasses" ......
odeur forte d'canivaux, mélanche d' io d' vaisselle et d' buée qui stagne par indrots......
rue Raymond Deruy ché d'mi battants des portes donnant sul' route i sont ouverts ......
in jette un coup d'eule in passant dins ché masons, buffet au fond avec d' sur ché photos d' communiants ,eune photo d' militaire en t'nue, quequ'fo avec un liseré noir ... ou l' reproduction d eune gondole ramenée d un voyache à Venise ....
au coin del cuisine, ch' canari i fait pas ch' fier dans s' cage, i va s' baigner plus souvint qu à sin tour .......
dins ch' fauteul, ch' viu mineur artraité y a pas ker ch' temps là, trop sec, cha l aite pas à respirer
de ch'temps là, y a qu à rester as' mason, et s' foute al' coiette..........