J comme j' su inquiet....

j' raviso sur différents sites esportifs du qu in in éto avec le RC Lens, bin ch'est cor loin d'ete clair

j' pinso que cha y est chéto fait ch' rachat , et j a vu que cha sero effectif que début juillet ....

début juillet alors que le championnat de ligue 2 i arcomminche un mo plus tard , le 2 aout ......

j' espère qui sont djà en train d' vire pour du recrut'mint meme si ch' clupe i est par cor acaté, pasque , trouver eune nouvelle ossature pour l équipe , en engageant des jueux dans un laps d' temps plus que court , ch'est pas gagné ...

j a lu qui zespérotent acater 4 jueurs pour l' saison prochaine..., bin si i trainent i vont avoir drot à ché fonds d' tiroirs, ché zéclopés, ché jueux en fin d' carriere qui jutent in fauteul roulant, ou des jueux qu' personne i veut pu , vu que ché résultats ont grinmint chuté depuis plusieurs saisons...

j a lu aussi qui pouvo y avoir un parralele inter c' qui s' fero au RC Lens, et c' qui s' fait djà dans un clupe écossais racaté par un lituanien, qui a imposé 4 jueux d' sin pays, et ché pas forchémint des locomotiffes ...

as' deminder, mais vous direz que j' su innochint, si ch'est vraimint l amour du foot qui fait qui a d' zinvestis'mints azéris en france ou si ch est pas aussi, selon certains, eune manoeuvre pour aider la cause kurde dins ch' te partie du globe .....

j'em' mets aussi al' plache d' ché jueux in plache, i safent te pas à quelle sauce i vont et' mingé dans quequ' mos, in n a qui dovent avoir des doutes quant à leur avenir au sein du clupe comme on dit ...

pas facile d' taper dans un ballon, d' ete à 100 % dins s'tiete si in sait pas l' avenir du clupe mais à un mo près ........

in a tout intindu sur l avenir du RC LENS ces dernieres semaines, et c' qui m' gène ch'est que y a pas d' démentis forts d' la part d' l équipe dirigeante

Laurent Blanc à un momint i devo selon certains devenir l entraineur du clupe, y a pas eu d' forts démentis, ch'est par les faits, quand qu in a vu qui allo au psg, qu in a pu dire que chéto vraimint eune faute piste

j su inquiet, j'espère que Gervais Martel, qui a tant fait pour l' clupe, cha in peut pas li arprocher, j' a peur qui veule pas faire "ch' combat d' trop" , l année d' trop ..

et que pour y arriver, i y est pret à s allier avec des gins qu in peut cor asteure avoir des doutes sur leurs fachons d' faire

parait que ch' racateux azéri y a fait d'zentourloupes lors d une des dernieres cérémonies d' l eurovision, que ses sociétés ale sont domiciliées dins ché émirats , du qu in ravisse pas vraimint en profondeur les comptes des entreprisses ...

j' espère m' tromper, j'espère que cha va pas s écrouler in début ou au miyeu d' la saison

ché supporters i le mériterotent pas