Sac à puches

sac à puches...vinguette ch est un surnom qui m est arvénu del fond dem' mémoire, faut dire qu in va faire un bond en arriere ....jusqu au milieu des années 60 al' télévision ...

on est diminche après midi, et vous vous doutez bin qui a pas 46 chaines al' télé ach' momint là, et cor quand que j' dis 46 vu l' nompe qui a asteure cha fait ridicule

nan yavo 2 chaines et pi c'est toute, in noir et blanc et pi c'est toute, avec des speakrines et des zinterlutes , dont le "petit train" qui apparaissotent souvint sul' pitit écran dès qui yavo un problème technique ...

l' diminche aprés midi in raviso "télé dimanche" animée par ......Raymond Marcillac dit "sac à puches " par min frère ...

faut dire qui éto toudis en train d' parler , vous dire que réunir sul' meme plateau jean nohain et raymond marsillac cha s' ro qu in concert d' cacophonie

Raymond Marcillac, sac à puches, pasque i éto toudis en train d' bouger, d' sursauter, et meme gampes croisées , yavo toudis un pied qui barloquo ....


i nous enervo un tchiot peu , faut dire qu in éto toudis en train d' raler, que cha énervo min père que rapid'mint i décido d aller faire un tour avec m' mère , souvint i zallotent à ohlain, du temps du qui avo pas cor l' base d' loisirs, et que ch' coin là cha s appelo "les communes" mais ch'est eune autre histoire

Télé Dimanche, j' su désolé del dire, mais asteure in pourro pu l' raviser, pasque escusez me , chéto eune émission j allo dire intelligente, in tout cas variée, in tout cas pas tape à l eule, et in invoyo pas des msn, ni d' zappels à 34 centimes ......

dans l émission , animée par ch' fameux raymond marsillac, yavo eune partie canchon, avec un jone fringuant aux manettes , un certain Michel Drucker .........

m' grand mère qu ale veno minger l' midi ale avo ker ch' momint là pasque yavo eune jeunette qui démarro s' carriere ...chéto mireille mathieu ..

mi j avo ker pour un nouveau comique qui commincho aussi, thierry le luron ...

toudis sous la baguette d' sac à puches, qui s' tourno vers un aut' coté du studio du qui yavo maitre capello qui animo un jeu ...

mon diu mes gins, un jeu impensape aujourd hui, chéto des lycées qui étotent en concurrence, avec des candidats bin sur premiers d' la classe, des tietes d ampoule , et qui répondotent à des questions impensapes asteure, du ginre la déclinaison d un verpe en latin, ou l' nom d' la capitale d un état asiatique qu in connaisso à peine d' nom ...
et tout cha bin sur pour gagner au miu un liffe d' collection ...

pour terminer avec "sac à puches " y a été le précurseur en matiere d' émissions esportives , il avo créé aussi "les coulisses de l exploit" j' dis cha pour les plus anciens ...

ch'éto un temps , révolu, du qu' ale télé cha s appelo l ' ORTF

in parlant ed ché anciennes émissions ed télé cha m'rappelle eine émission ed jeux qui s'appello la téte et les jambes
ché concurrents y devotent répondre à des questions et quand y étotent in rade y devotent esse rattraper avec un exploit sportif
y avo des coureurs à pied, des lanceux de poids etc
et y avo un concurrent à l'époque qui s'appello Laurent Fabius achteur ministre des affaires étrangères, li pour esse rattraper y avo fait du saut à cheval, je me souviens plus si il avo gagné.