i tututent as' barraque

quo ch' est qu' j avo? am' mote 12 13 ans , dins ché zeaux là, et j éto parti arjointe min camarate jean marc qui habito in bas del rue raymond deruy

là on artrouvo plusieurs camarates, d' la rue d' denain , comme philippe, ou d autes d' la rue d isbergues

avec nos vélos in éto un peu comme ché motards, savez à raviser c'que l aute avo fait pour améliorer son engin d' locomotion...

chti chi pour s' démarquer yavo mis ch' guidon d' course à angle dro, pour que ché poignées ale so à l horizontale, cha donno l impression que ch' vélo yavo des cornes

un aut' i coincho un bout d' carton avec eune épingue au niveau del' role d' derriere, et en claquant su ché rayons , ch' carton i faijo un bruit d enfer, comme eune tchiote mobylette ...

d' autes i zavotent armis d' sur plein d ' autocollants paninin

mi j' me souviens j avo mis 2 tchiots drapeaux acatés lors d un séjur à caen à mon d' em soeur, dins zin magasin d' farces et attrappes ...

chéto un drapeau d' pirate, et l aute fond rouche avec ché léopards jaune, cha arprésento les couleurs de la normandie ...

in s éto arrété d' vant l' mason d' un d' mes camarates, savez dins l' rue raymond deruy avant la rue duquesnoy, yvo des masons, qui avotent tes portes à battant

ché viux mineurs i zavotent ker , tout in restant dins l' mason, s appuyer sul' battant bas, et raviser comme ché conchierches quo qui s' passo dans la rue

et meme in pouvo discuter avec sin vigin tout en restant as' mason, suffiso des' pencher un tchiot peu en avant chacun d' sin coté et in pouvo s' vire alors

in éto là d' vant l' mason d' min camarate, et in in vo passer un qui habito un peu plus haut qu' la rue raymond deruy, et sur sin vélo yavo , des tchiotes capsules in plastique d' toutes les couleurs qui étotent incrinqués dins ché rayons

(chéto ché capsules , savez quand qu in ouvro ch' lite d' pif, t avo eune tchiote capsule en ferale, pi in d'sous ch' fameux tchiot bouchon en plastique, que si tel metto à l envers cha arsonno à un capio à bords ...

ch'ti qui avo mi cha sur sin vélo, nous in trouvo cha bin, vu que plus qui roulo vite, plus té distingo pu trop bin ché capsules, et chéto comme un défilé d' couleurs ...

min camarate i yavo dit que cha faijo bio, alors sin père, casquette sul' tiete, roulée au coin del bouque, et ricane et i s'pinche vers sin vigin , qui li aussi avo l' meme réaction
et sin père i dit" bin sur qui peut n in mette des capsules d' bouteles d' pinard, vu cqu' i s'tututent as' barraque " ...
l aute i renchérisso," bin l' jur qui déménache, Willaume i fait faillite" Willaume chéto l' marchands d' boissons qui yavo rue anatole france ...

pi cha a continé avec " si ch' tchiot i monte comme sin père i déchint (ché bouteles) cha va et' un rut' champion" ........

"i tututent as' barraque" , que belle expression , ché presque del poèsie cha .....

y fallot avoir un sacré estomac pour avaler cha , ché cor c'qu'ech'bos ach'teur in mingeant "un verre" pas d'plus , mais ché pu des boutels étoilées mais des cubis ed'3 ou 5 lites
d’après min garchon ché l'même tord boyau qu'avant , et ed'pu l'temps qu'j'in bos , bin min estomac yé cor intact , du moins ch'pinse

pi si ch't'homme yavot in déchinte qu'j'aros pas voulu armonter à vélo , si après yallot s'couquer sans immerder sin monte , chétot sin problème , pas comme j'in connos un , mais cha ché in aute histoire

pour chés garnitures ed'vélo , j'arpinse aussi a chés guidons , qu'in mettot couleur alu , mais comme cha s'écaillot vite in finichot par mette in espèce ed'scotch mais sans colle , et y n'd'avot ed'pas mal ed'couleur