rue Leverrier

rue Leverrier, chéto m' rue à bruay , chéto d ailleurs eune rue espéciale, d' abord chéto un cul d' sac, et y avo des masons pratiqu'mint que d un coté del rue
d' l'aute coté, chéto eune pature, pi deux séries d' garaches , au bout del rue, ché gardins des mineurs, pi plus loin ché camps, avec au fond vue sur la rue verte , et en arriere plan ch' terril du 2 bis, chti d haillicourt

chiote rue , pour mi grand univers , d' abord pasque comme chéto un cul d' sac, yavo pas trop d' trafic , cor que fallo cor faire attintion à l aute ébeulé qui rintro à toute blinte dins la rue, sans quo tout l' monte i faijo attention

tout tchiot am' paraisso bin plus longue qu ale éto en fait, cha a été à un momint min parcours du tour de france

ouais chéto en 1967 j' cro bin, pasque chéto pas minloute qui roulo dins l' rue avec sin vélo d' file couleur rouche acaté à mon nord et loire, J' éto jan janssen, chti qui éto la vedette ch' t année là

l' rue chéto quand que j éto "rouleur" et quand qui fallo monter l' tchiote cote intre ché garaches ,j' éto "grimpeur" , mais malgré l' forte concurrence du peloton, j' gagno toudis

d ' ailleurs j' fallo que j' fache attintion pasque à forche d' gagner, j' avo gagné en assurance, et j avo failli valdinguer au d' sus d' min vélo in franchissant les bras en l air, la ligne d arrivée après m' n énième victoire

la rue leverrier, chéto aussi toutes ché masons , toutes ché personnes qu in connaisso , du numéro 2 au numéro 32

tchiote rue, que quand qui s' passo quéquosse d' espécial, yavo souvint ché gins qui s' mettotent al' porte

suffijo qui a eune ambulance qu ale estationne d' vant eune mason, que cha yallo dins ché suppositions

l' pire bin sur , ch'est quand qu in voyo accrocher eune croix noire sul' coté del mason, pi des grantes tentures tout autour del porte d entrée ........

in connaisso tout l' monte, j' dis pas non plus que chéto toudis l' grante camaraderie, chti du 24 y parlo pas à chti du 32
chti du 8 y éto proute proute, chti du 14 y resto jamais dehors, in avo pas vu s' femme qui éto alitée d' puis z'zannées ......

rue leverrier au fond ché gardins, ché gins i zy venottent cor d assez loin, y en avo qui venotent de la rue de denain, avec leur vélo du qui yavo d accrochée eune cariole ....

rue leverrier à gauche au fond ché garaches, là in éto pas toudis bin accueilli; nous in avo ker trouver un garache ouvert, cha nous permetto d' juer au foutballe et d' avoir un but tout fait ...

j' me souviens un coup in juo sul' devant , et y a un fils qui éto v'nu vire sin père dins l' rue, i nous d'minte l' balle , et i dit " ravisse commint qu in tire à l' usb"

y a tiré un pétard mes gins directemint dins l'leucarne dech' garache, et au passache yavo fait querre, cha devo et' pour mi des zaricots jaunes

nous in éto pliés d' rire, jusqu à ch' que vigin i sorte, et ach' momint là bin sur yavo pu qu' nous sur la plache et ch'est nous qu in s a fait ingueuler ...

rue leverrier, sur la gauche, yavo ch' talus, in y monto in groupe, comme si in éto eune horde d indiens, à vire tout d'suite si yavo pas des jones d' la rue verte qui serotent venus jusqu ichi, sur not' territoire .......


par la suite ,les années plus tard, in a l impression que l' rue ale a rétrécie......... faut dire qu in la sillone pu à pied, mais en carette, l' rue ale nous sert surtout à aller faire demi tour au bout pi arvenir s' garer d' vant

des jones ...bin aprés mi et min camarate patrick, bin yavo pu personne, pi tout douch'mint au fur et à mesure qu in arvéno al' mason , in appreno que mr untel y éto décédé, que madame untel ale éto plachée asteure, ou qu ale éto partie habiter à mon des' file

dernier'mint, j y su arpassé , j' a meme pas rintré dans la rue, am' mote qui devo cor rester 2, 3 familes que j' avo connu su la fin, mais que voulez vous, djà quand que j éto tchiot la plupart chéto des zartraités....

alors 40 ans après ...

el rue Leverrier j'in ai déjà parlé mais j'avo min camarade Daniel Deruy al dernière maison au fond avant el voyette
sin père y éto connu à l'époque chéto un canteur ténor
j'allo souvin din chte quartier et in juo din el voyette qui longeo sin gardin, si Maurice et Fernande y nous ravisse ed la haut un ptit coucou

Ch’garchon qui restot in face ed ches garach’ et qui a tapé dins l’balle in parlant ed l’U.S.B. cha devot ête min camarat’ René qui reste à Divion ach’t’heure, in juot à l’U S B insanne jusque juniors pour mi.
I devot rester pas loin ed ches Deruy que Daniel i nous parle, p'tète ses voisins d'ailleurs.