Les jardinsmin crapé
par minloute le, 14/07/2013cha ch' éto eune des expressions que m'mère ale dijo in patois, j' éto sin crapé
comme dijo m'mère , mais commint té fait pour rintrer comme cha , t es noir comme un pot ...
ouais mais mi quand que j' juo dins l' pature, j' juo à fond, j' courro , j' em camucho
alors ch' est sur qui a des momints que j' rintro que m' mère ale raviso mes mains d' un air dépité
commint qu' té fait pour t' salir comme cha?
j allo pas li dire que j' avo ker ramasser des morciaux d' terre du camp qui éto à coté, et in sin servo comme grenate ........
j' pouvo pas li dire qu on rimpo dins ch' camp au miyeu du blé
j' pouvo pas li dire qu in ramasso ché cailloux et qu on les lanço l' plus loin possipe , ch eto un d' nos jeux préférés , ouais fallo d' l entrain'mint pour quand qu in allo casser ché carreaux des masons qui étotent abandonnées........
mi j' juo à fond, j éto dans mon monte, et souvint ché les zautes qui dijotent "vla t' mère" , m' mère ale resto in haut du talus del pature, mi j allo vers elle, pas trop vite, pasque si j y courro , ché camarates allotent dire que j éto l' toutou , pas trop lent'mint non plus pour pas s' faire ingueuler par m' mère
durant l' temps que j allo vers elle, j essayo d' frotter mes mains en crachant un bon glaviot d' dins, mais chéto pas suffisant, j avo dro à "viens ici mon crapé"
crapé , ch'est et' sale
In dijot cha pour des familles qui étotent sales, in n'famile ed crapés.
Quant in allot jué dehors et qu'in arvéno noir comme in n'gaillette, après qu'ej mé suis lavé et qui resto core des traces, em mère al dijot va t'ar frotter t'as cor des crapes d'in l'creux dt'é bras ou derrière tes genoux.
