améliorations à Lorette

tout tchiot , quand qu on arvénno d' la région parisienne, qu in allo vire eune tante à min père, in sorto d' l autoroute au péage d' Arras
d' là, in faijo l' tour d' la ville, pour passer près d' Ecurie, mi bin sur j' imito ché bidets quand qu in passo par là
là min père i commincho à raler, vous m' direz i faijo qu' cha in carette, parait que j' su parel, faut dire qu après avoir roulé sur l autoroute, in s artrouvo sur eune départementale, du qui yavo pas mal d' viraches, et suffijo qu in doiffe suiffe un camion.......

sul' long d' la route, j' raviso ché tchiots cimetières, au loin les ruines du mont st eloi, pi bin sur notre dame de lorette

in avo passé la targette, et après ch' cabaret rouge qu in laisso sur not' gauche, in dévalo l' pente qui nous meno à souchez

après souchez yavo sur la gauche un batimint avec des vitrals d' sur qui arprésento les combats de 14 18

j' savo qui yavo eu des combats là durant la premiere guerre mondiale, mais j allo dire , sans plus ...

j' me souviens bin d' zannées après , j éto en quatrieme, et l' professeur ale nous d'minte du qui yavo eu des combats d' la premiere guerre mondiale dins l' départemint, et y a pas personne qui a su dins l' classe réponte lorette ou Vimy ....

après ch'est par des lectures, d' l interes'mint à l histoire d' la région que j a comminché à m interesser à Lorette et Vimy

mais ch'eto vraimint eune démarche personnelle

pourtant, au lendemain d' la premiere guerre mondiale, et jusqu ale seconte guerre , notre dame de lorette attiro grinmint d' monte
faut dire que ché familes qui étotent endeuillées ale venotent s' recueillir sul' tompe d' leu proches

pi ch'éto eune époque du qu in metto en avant l' patriotisme et la défense d' note patrie ....

depuis 1920 existe une garde d honneur qui est présente lors des grantes occasions ou à certaines périotes d' l année

la seconde guerre mondiale est arrivée, ché malheurs d' la premiere guerre se sont estompés, effacés par les souffrances subies durant près de chinq ans

pi l' temps a fait son œuvre, j' diro d' 2 façons, d un coté y a moins d' monte qui visite le site asteure , mais le temps a aussi du bon, et asteure in va ch' est vrai s arcueillir devant les tompes des soldats alliés, mais in associe aussi dins not' tiete, ché soldats allemands , aussi jones que les notes, et qui ichi sont qués aussi par milliers ..

bientôt le centenaire, bientôt 100 ans ch' est à la fois si proche et si loin

in tout cas, pour l occasion, in va met' l' projecteur sur chte monumint
en créant , un chemin pietonnier, permettant de du qui avo dans l' temps chte batimint avec des vitrals, d' monter à pied, in dehors d' la route, jusqu ach' cimétiere tout in haut

en créant, in bas del colline, un centre d interprétation, qui permettra à tout un chacun d' miux comprinte l enjeu et l' déroul'mint des combats

en créant ,là haut , un mémorial international , avec l' nom d' tous ché soldats qui sont morts durant les combats d artois et de flandres

et pour terminer la création d un parking j' diro "praticape" toute l année, et non pas dins l' berdoule comme cha pouvo arriver

tout en sachant que le 11 novempe 2014 le président de la république Francois Hollande sera présent

merci à minloute ed'parler d'not'dame ed lorette.
ché vrai qu'alle s'efface dins ché mémoire.
quand j'étos tchiote chéto un lieu de visite que min père, très respectueusemint, metto in point d'honneur à nous faire découvrir.
quand j'vas rint' visite à m'filleule in y va à pied in traversant l'campanne verdoyant'.
et ché vrai aussi que, sans distinction de pays, in pinse à tous ché jones qui y sont morts. pourquoi?

ché vrai que les cimetières militaires i sont superbement entretenus... et heureusemint.
France elle a raison de souligner que la mémoire al disparait.
Par contre, si vous allez in visiter un, raviser à l'intrée, i a toudis un petit "truc" in maçonnerie avec un livre d'or et quelques papiers. Vous s'rez surpris que au minimum chaque semaine i a des Anglais qui laissent des messages de visite sur une tombe d'un soldat de leur famille.

Fin juin 2013, j'ai vécu une anecdote que j'tiens à vous raconter. J'sus allé vire l'vieux cimetière de Béthune, pi aussi ech très grand côté militaire. I pouvo ette presque 19 h et j'artourno vers el sortie quand j'vos un mec d'une trentaine d'années, bizarre, pas trop propre, avec un casque à la main, arluquant tout partout... Que j'cros que ché louche. J'décide d'artourner vire quoi qu'i fait, mais l'zombi il a disparu.

J'artourne vers el sortie, bardoufe un 2è zombi un peu plus vieux qui apparait. Tant pis, j'laisse comme cha.
J'arriffe à l'sortie dech cimetière, quoi que j'vos devant : 2 grosses motos immatriculées in Angleterre.
J'tiens à redire que chéto béto 19 h et que din l'livre d'or, i avo déjà des inglais qui étotent passés sur une tombe militaire le jour même.