Joffre et Marco Polo
par minloute le, 03/08/2013drole d' association quand meme, entre le maréchal Joffre et le marchand explorateur Marco Polo
Joffre, chéto l' prénom, pas l' surnom, mais vraimint ch' prénom d' un monsieur qui habito dins l' rue
un monsieur rute, avec du caractère, d' ailleurs i arréto pas d' s' ingueuler avec l' mari del fameusse Roquépine que vous connaissez asteure (sujet faut pas toudis répéter)
Joffre chéto pas eune grante gueule pour et' eune grante gueule, mais quand qui éto ou croyo et' dins sin droit ou à suiffe ses idées , y cangeo pas facil'mint d avis
j' me souviens un coup, min père , i éto arvénu du fond del rue avec un drole d air
yavo raconté am' mère , yavo del neiche ch' t année là, et en tournant au fond pour monter vers l' deuxieme série d' garaches qui étotent en retrait, i éto froissé l' tole du garache à Joffre
yavo été l' vire, en pinsant s' faire ingueuler, et am' mote que chéto un bon jour, yavo rin dit et qui allo l' réparer li meme in foutant eune paire d' coups d' martiaux
mais pour vous dire qui éto pas commote
mi jel connaisso Joffre, pasque j' connaisso sin fils, et chez Joffre, yavo un tchiot tableau , savoir du qui veno j' sais pas, mais in auro dit eune image d Epinal, un tableau à l honneur du fameux maréchal
am' mote que ses parints i zont du li donner ch' prénom là vers la fin d' la guerre en hommache à ce gradé
et un coup sin fils qui éto plus agé qu' mi, i a vu qui yavo un grand liffe qui éto à li et que j avo ker , alors ya d'mindé as' mère si i pouvo mel donner, mais ale a pas pris d' décision vu que chéto Joffre qui dirigeo , enfin ch'est l' sentimint que j avo
in a attindu son r'tour, in plus cha a mal comminché , vu que sin fils i s éto fait ingueuler par l' mari d' Roquépine, li yéto parti dins ché tours comme on dit, et yéto près à aller en découdre ....
bon sin fils y a d'mindé pour ch' liffe, et d un coup i s a radouci, i m a ravisé, m a dit "cha t' plairo?" bin oui qu' j y dis , ou plutot "oui monsieur" pasque ach' t époque là in éto cor bin poli...
"print" qui a dit, j' l a armercié et en rintrant al' mason avec ch' liffe, m'mère ale m a fait répéter chinq coups pour in et' sur , que ch' liffe i m avo bin été donné et pas prété .....
bin voyez grace ach' liffe là, bin illustré, j a plongé , j avo eune douzaine d années pas plus, j a suivi pas à pas l itinéraire d' marco polo ....
pour vous dire que chéto un bio liffe, i éto édité chez Fernand Nathan, cha rappelera quéquosse aux plus anciens
j' connaisso par la suite, l itinéraire complet passant par bagdad, la chine et l inde au retour, sans oublier ché personnaches comme le grand khan ou le pretre jean
j' l a cor ch' liffe là et j' pinse toudis à Joffre quand que jel' print , et j' l armercie cor car cha a été mon liffe de chevet pendant bin longtimps
asteure cha fait un momint que Joffre y est pu là, comme pratiqu'mint tous ceux del rue d ailleurs , mais ch' jur là qui devo et' cor dans un bon jour, bin comme diro l aute ...... 40 ans après j' m in souviens cor ....