eune tchiote clé

eune tchiote clé qui in rappelera bin des souv'nirs à certains ....

chéto la clé fournie dins ché boites d' Meccano ....

Ah croyez pas connaite l' rengaine d' c' qui va suive, j' va pas vous faire eune éloge du Meccano

pasque , au fil des sujets, zavez compris que mi et l' traval manuel , cha faijo au moins chinq...


vouliez m' punir ? chéto bin simpe , fallo m acater eune tchiote maquette d avions à monter ........

j' in éto resté au jeu d' légo et à ché zassemblaches qu in pouvo faire pour construire un chalet en bo......

mais l' Meccano....ch'éto ma matante qu ale m avo acaté eune boite, al' m avo dit , té verra té pourra arconstruire des grues, des batiaux, des engins d' levage ..

suffiso d' suiffe la notice d ' montage ..."suffiso" , ouais , mais mi j avo pas la patience et pi pas l envie d arproduire ché cosses là, qu in avo l' modèle "éclaté" sur des feules fournies dins l' boite d' Meccano ...

un coup j avo été apporté j' sais pu quo à mon dem' tante, et ale m a montré l' grue qu' min cousin y avo fait li même

bin ouais, qu' j y dit , pi j a passé à aut' cosse, ale a sinti que j' éto pas si attiré qu' cha par ch' jeu là ...
ale m in a pu arparlé, et l' bonne chosse ch'est que j a eu aut' cosse comme cadeau l année après

ouais j avo peur qu ale m acate eune boite plus élaborée, plus complète, j' sais pas si vous vous souvenez ché boites ale zétotent numérotées .....

nan pi expliquez me, avec ch' pitite clé mi j' serro ch'l' écrou, mais cha serro pas

alors min frère i m a expliqué qui fallo in mette eune aut' d' l aute coté pour bloquer sinon cha tourno dins l' vite ...

ouais mais pourquo que quand que j' serro bin ou trop , j arrivo à casser l' vis...

pi yavo pas qu' cha , eune fo que t avo fini d' juer, fallo arfermer l' boite...

mais pour bin arfermer l' boite, fallo bin tout ranger as' plache dins l' boite, pasque cha pièche ale avo s' n emplach'mint ....

dur dur pour mi , pi si juer cha d' vient eune corvée ...

ch'est pour cha que pour mi, l' Meccano, cha aura laissé un souv'nir , in va dire "mitigé"...