les croix de bois
par minloute le, 20/08/2013nous zarvla "eune paire" d années en arriere, un 11 novempe , cha ch' est sur , chéto avant 1970 et c'héto l aprés midi ...
facile, pasque ch' matin in avo été avec toute l école , in rangs, dans des rues peu fréquentées, jusqu à ch' monumint aux morts
in avo été vire l' dépot d' gerbe
l' après midi in allo pas à l école, in éto al' mason, et pour marquer l' coup, in avo drot à un flim d' guerre qui nous raconto la premiere guerre mondiale
j eu l occasion d arvire hier "les croix de bois" , film tiré du liffe du meme titre, de l auteur Roland Dorgeles
là y a d' zimaches qui m arsont arvénu, comme au début dech' film , in vo des bataillons alignés, pi d un coup ché rimplaché par des croix d' cimetiere
in parlant d' cimétiere, y a un momint tout aussi fort, du qui combattent les allemands en s' réfugiant derriere des tombes
un sacré bio flim, pasque i date d' 82 ans........... et sans "effets spéciaux" , ché vraimint bien filmé
aut' momint fort, du qui sont en train d' tenir eune position et qui zintintent ché zallemands mette des mines d' sous leur plache pour tout faire exploser .....
ch' éto l' époque du qui yavo cor un ressentimint conte ché allemands, in les surnommo souvint d' "boches" ...
ch'éto l époque du que l' lend'main in in parlo dins l' cour d' récréation et que chéto arpris par ch' l instituteux dans eune leçon.......
in tout cas un très bio flim à arvire, avec comme vedettes Charles Vanel et Pierre Blanchar
et meme si la fin , avec l' agonie de Pierre Blanchar, cha peut paraite "surjué" asteure, ch est un film in noir et blanc qui a gardé toute s' puissance et un bon témoignache de c' qu a pu et' la vie dans les tranchées