Em' première colo à Brias
par Sopraniste de Bruay le, 20/08/20131946 j'avo 11 ans, organisée pour les enfants de mineurs, nous vla partis, en floppée ed'jones, in'a que ech' connaicho dem' rue ed Béthune à Bruay en Artois, Robert G. min voisin ed' dos ed maisons ed coron, ess' mère Emiliene G. al éto cuisinière dinl' colo, min frère cadet Jean Pierre J. 8 ans, et min cousin 7 ans Jean Claude J. in faisottent partis égalemint...
Nous vla partis à pied avec nos parints et bagages direction el carreau ed l'ancien Fosse 1... et là, in imbarquent din des camions bachés des houillères, chéto les camions qui transportent du matériel din les différentes fosses...
pour nous chéto la joie d'un voyache comme cha...
el' départ y est donné, in démarre direction Divion, passage à Ourton, Diéval, in arrif pour el direction ed Brias, les camions vont par là, sur la gauche, on roule cor in tiot peu, nous vla arrivés à des habitations basses in briques... chéto un ancien campement ed l’armée allemande... in l'a su après, bref..
In dévalent tartous et in nous dirige vers nous implachemints... chéto en' immense salle, avec des lits ed camp ed chaque côté, combien qu'in éto, j'ai pu el vision du nombre mais bien en' cinquantaine, y avo 2 batimints comme cha pour nous.
Pour faire notre toilette, en' dizaine ed robinets d'ieau froide qui coulottent din in long bac ed 6 mètres, déhors sous in genre ed préeau.
Les toilettes, nenni, in allot din des feuillets "des tiotes tranchées,du qu'in pouvo ess mett à joujouqu' pour faire nos grands besoins", ché tiotes tranchées étotent intourées ed branques avec des feuill' qui fallo rimplacher ed temps in temps, d'où le nom de feuillets..
in tiots anecdote in passant, min tiot cousin ed 7 ans in coup i a quéu ed din, ché moniteur i sont vénus el rassaquer plein ed merde, après ils l'ont passé au jet d'eau pour el nétier.
Plus loin y avo un grand réservoir in forme conique in béton 10m00 ed diamètre y avo 1m00 d'eau au fond, et nous inss' laisso glicher sul béton jusqu'in bas et in avo du plaisi comme cha.... les maillots ed bains y ont pas fait long fu, lustré par el béton.
Les moniteurs organisottent des jeux, chéto bien, cha nous cangeo ed nous corons.
J'ai un vague souvenir, mais nou camarate disparu Daniel Pocquet i devo aussi in faire partie, sin père travaillant aussi al fosse... On est arvénu qu'un coup in camion à Bruay al Fosse 4, in a pris en' bonne douche au lavabo des mineurs , ach' momint là j'airo jamais pinsé que j'éro fait carrière al Fosse..
Min père et min parrain el père ed' nous cousin Jean Claude sont vénus nous vire 2 coups à vélo... bon ed Bruay ché pas loin mais y avo des côtes à monter....
Mais pas loin y avo eu un dépot ed munitions allemand, et un ed nous camarate qui resto dinl' cité des musiciens, y a trouvé en' grenade. il la suremint trifouillée, et al a explosée dins ess figure.. i est décédé biensur..
là cha été le choc pour tout le monde...
Em mère al éto vénue nous vir el dernière semaine.. al avo pris el train suremint aux alouettes jusqu'el gare proche ed Brias, et a arjoint el campement à pied... Mais là chéto autt' coss', in voulo s'arnaler avec elle... mais inn' éto pas question pour elle...
Toucha j'en ai arparlé dimanche 18 Aôut avec min frère cadet, lors d'un repas intre frères et soeur.....
Min frère quand j'en' ai parlé, ses souvenirs ont refait surface....
Après j'ai cor fait des colos, la Norvège dans une famille d'accueil, puis Petit Fort Phillipe em' monitrice al vie cor, ché Melle Leroy, al reste in bas del rue F. Evrard, le Lot 2 fois et un aut' coup Trugny din les Ardennes din in catieau à l'abandon avec l'abbé Damiens, min camarate Maurice P.y éto aussi
là chéto parel' pire qu'à Brias,l'eau courante chéto el rivière pour fare nous toilettes...là, in éto partis din un camion à bestiaux, et in arvénant à la pose pipi, min frère qui éto parti derrière el talus, in est parti sans li... i a trouvé refuge din en' famill' du côté ed ST Quentin, et min père est parti l'arquerre au train el lendemain... sans être indemnisé binsur.....
Peut être si des anciens bruaysiens me lisent, auront aussi des souvenirs de cette colo à Brias..