ch' Père Cent .....
par minloute le, 26/08/2013rin qu à écrire cha , cha do so rappeler bin des chosses à certains, ou complet'mint du charabia ...
am' mote que ch'est aussi eune question d' génération, pasque ch' Père Cent fallo avoir fait sin service militaire ...
après ché classes faites au 525 ème régiment du train d' arras, j' su arrivé au gmr 2 caserne st ruth à lille
gmr , cha devo vouloir dire groupe motorisé régional, ch' cro bin, nous in appelo cha grand merdier régional ........
en arrivant à st ruth, in avo djà fait 3 s' maines d' classe, in éto accueilli par ché anciens, qui criotent dins ché couloirs "libérapes" ou "vinte , vinte " en fait i comptotent ché jurs ou plutot i nous mettotent dins l' guiffe l' nompe d' jurs qui leur resto à faire ...
meme que l' derniere semaine cha allo croissant, cha gueulo d' partout, cha buquo dins ché portes, des cons qu in dijo, sauf que , l année suivante, j a fait comme tout l' monte .....
sauf sauf m' cuite carabinée que j a pris l' mardi soir , au lieu du jeudi comme tout l' monte .....vous m' direz l 'dernier soir j' raviso ché camarates qui rintrotent dins un état mon diu que malheur ...
mais arvénons ach' père cent, ah chtilale qu in l avo ker , quand qu in voyo que cha s'ro à not' tour d' féter ch' père cent, cha commincho à sintir bon
cha voulo dire aussi qui nous resto QUE 100 jours à faire, et là savez quand que depuis ch' début vous zartirer un jur ach' calendrier, et que ENFIN voyez pu qu' les dizaines à passer , cha sinto bon
par conte j' su pas d accord avec c'qui est écrit sur wikipédia, i dissent qu après ch' père cent on devient libérape
pour mi non, on d' vient "quillard" , et j' me souviens qu in l' crio pas trop fort , ou in savo à qui in l' dijo, à ceux qui arrivotent , pasque si tel' crio trop fort, là t avo un tollé général d' ceux que chéto ceux qui allotent et' la prochaine classe libérée , et qui crio alors "libarape" du ginre, ti tais te aussi ...
j’ai eu l’honneur d’servir dins la coloniale au djebel in pétit poste composé d’africains qui avotent du métier .cha été eune période marquable , bizarre cha n’avot rien de l’imache qu’in s’fait de l’armée .
chétot l’afrique noire, élevache de poules et de lapins dins ch’poste , chétot marrant d’vivre avec eux .
in étot eune vingtaine, chétot boulot patrouilles embuscades gardes . i sont retournés dins leur pays d’origine in très peu de temps. i n’a pas eu d’père cent cha s’faisot pas .
à la paye chés européens in mettot à l’éco, in acato eune caisse d’kro in faijo eune ancre d’marine au myeu de l’piaule . in cantot j’juo dernier tango sur min pipeau, et mes camarates i dansotent cha avot des relents d’misère pas possipes .chétot comme cha chétot pas la grosse caserne avec le réfectoire les champes bien ringées nan in mingeot musulman cha été pour mi eune période qu’in n’peut pas oublier .
j’ai pas eu d’père cent
In acatot un mètre ed couturière et chaque jour un découpot 1 cm.
J'ai fait l'même coup à 100 jours du départ in retraite au bout ed 37 ans d'service. Comme quoi in n'oublie pas.
bin mi min père cent , chétot un calvaire avec 860 cases , plus cor in paire ed'jours , sans compter chés 10 jours ed' R A B
et tous les jours in in barrot in , cha comminchot in bas d'ches escaliers à zéro bin sur, pour finir tout in haut
al a été dur el côte pour yarriver , et ch'peux dire qu'cent jours avant l'quil , in a bin fété cha , et pas aussi fort qu'el l'vel d'el quil, min père cent y dot ête d'in un coin bin muché , passe que j'l'artrouf pu ,
4 mos après m'libération , j'ai archu d'mes jones potes restés au bled , le père cent à eusses , y z'étotent d'ja plus modernes
marie claire si té peux mette chés photos qu'ech'va essayer d'artreuver
merci