histoire d' pomme et de coutiau la fin
par minloute le, 29/08/2013les années ont passé , min père y a pu "fait son champ" chéto trop dur, et meme dins sin gardin qui éto pu reservé qu à ché fleurs, ch'est devenu aussi chaque année d' plus en plus pénipe à faire
mais min père gouto toudis d eune pomme , et chéto m' mère qui li apporto l' pomme et sin coutiau et l' serviette , mais là i éto "incrinqué " dins sin divant
i devo approcher des 90 ans , mi j in avo 40 , et j a pas osé li d'minder un morciau d' pomme, j' sais pas commint qui l auro pris, bin j' pinse , mais mi j a pas osé ........
les années ont passé , j a passé la cinquantaine ,j' su devenu grand père , et j a ker minger eune pomme in rintrant du traval
alors ptete que chéto pour faire comme min père, enfin fallo aussi qu' j' arrete d' minger l' baguette d' pain avant d' passer à tape
l aute jur , m' ptite file am' raviso en train d' minger m' pomme , j y a d'mindé si ale in voulo un morciau, ah ouais qu ale a dit, j' m a artrouvé à li couper eune tchiote rondelle avec min coutiau
j a vu min regard d y a bin d' zannées , mais ch' coup chi , chéto mi qui éto al' plache d' min père ..............................................
Mi ché m' file qui m' pique des morcieaux de pommes, ale préfére qu'ale soit épluchée et à chaque fos ale m' fait l' tour, 33 ans après ché toudi parel . Que ché bin bon des pommes hein mes gins .
kiki , christian ed levesano -