le chateau en bourgogne ...artrouvé
par minloute le, 13/10/2013j avo lancé y a quequ' jurs eune demante d' renseignemints concernant entre autes, un chateau qui s' trouvo in bourgogne
chateau qui s'trouvo en bourgogne et que j avo l' souvenir d' mi et' arrété avec mes parints, quand qu in armonto de vacances passées à Bédoin, en provence , au pied du mont ventoux
et j' armercie l' épouse d' André de Marles qui s in a souvenu
alors chéto à Dracy le Fort en saone et loire, ch'est pas loin de chalons sur saone pi situé au dessus de Cluny, qu in avo visité juste avant d arriver là
j' avo 12 ans,mais j in a gardé un grand souvenir, pasque chéto pas "normal" pour nouzautes , d' aller minger et passer la nuit dans un chateau
j' me souviens que de là , in avo eune sacrée vue vers le fond de la vallée, par des collines toutes en douceur
j' me souviens qu in éto tro ou quat' familes à y passer eune soirée, yavo eune famile du nord mais aussi deux zautes d' la région
grante salle pour minger, alors que nous in éto plutot habitués à minger "simplemint"
à la reflexion, je me deminte si ch' chateau là i apparteno pas aux houillères de saint etienne, et que , par accord avec ché houilleres du nord pas de calais, comme chéto nationalisé depuis la libération, in pouvo donc aussi in profiter