Les jardinssous ché assiettes et ché verres
par minloute le, 16/11/2013chéto l' plus courant d ailleurs, quand qu in raviso sous ché assiettes ou ché verres, in voyo que cha preveno très souvint d' la "cristallerie"
yavo pas b'soin d' préciser qu in parlo de la cristallerie d' Arques
yavo meme eune publicité al' télé dans les années 70 pour ARCOPAL
chéto incontournape, j' vous invite simplemint à buquer sur l arnitoile "arcoroc" et d' vire les zimaches qui i sont rattachées, zallez tous dire, "ah chte service là in l' a eu, pi ché tasses là aussi, et cha in avo acaté ch' service à mon d' la Coop" ...
sans compter ché services à verre qu in archevo ou qu in offro à mon d' la noel à ché ménagères ....
et bin sur pour Arcoroc, j' me souviens al' mason in avo un beurrier massif, savez cha arsonno à du pyrex, et chéto del marque Arcoroc
meme si cha fait pas partie du bassin minier, in l' connaisso tous, ch éto eune institution , cha avo comminché en 1825 pour dire
et y a deux jurs j a intindu al' radio que l' entreprisse ale compto beaucoup sur eune aide d' l état pour pouvoir s in sortir
in a intindu d' zouvriers qui espérotent que cha permettro à la société d' pas disparaite vu l' passif financier qu ale présente
cha m a fait un coup quand meme, Arcopal, Cristal d' Arques, ch éto , mais j' prèfère cor l écrire au présent, cha fait partie d' not' patrimoine
