le piratache
par minloute le, 23/11/2013tiens un souvenir qui m arvient d' Henri Raimbaut, cha concerno l' piratache
dès qu in publie quéquosse asteure, in est pas à l abri d' éte arcopié, pillé, pire d' vire sin "traval" approprié par quéqu un d autes
j' cro que ch'est avec l' develop'mint d' internet, in a j' cro un peu trop l impression qu in peut printe impunémint des textes ou des photos par chi par là, et vu l' nompe d' sites, d' sujets qui peuvent et' publiés, in s' dit que , dans la masse, in peut l' faire sans printe trop grand risque
nous ichi sur histoires de chtis, in a connu quéqu un qui s éto accaparé des histoires que j avo raconté, avo à peine cangé certains mots, ouais y a quand meme eu un tchiot peu d' traval quand meme, au moins artiré min pseudonyme , pi l' publier ailleurs
or que, comme ché gins qui viennent sur histoires de chtis, bin i vont sur d autes sites, que le monde des sites qui raconte des histoires sur les chtis, in est ptete eune trentaine vraimint actifs, cha fait qu in avo été alerté par certains d inter vous et qui nous avotent signalé ch' t abus là ...
in a meme artrouvé des photos et des textes que j avo fait dins des brochures municipales, cor que ch' gars qui avo fait cha, i avo gardé min nom , sans citer quand meme que cha veno d histoires de chtis
j' conno quéqu un qui publio des zhistoires , des squetches sur l arnitoile et qui avo été "pillé" ch'est l' vrai mot par quiqu un qui s in éto grinmint inspiré ch' est l' moins qu on puisse dire pour faire un spectaque
mais arvénons à not' Henri Raimbaut...
Henri y a publié à la fois des poèmes sur l arnitoile, pi aussi i compto in publier et les vinte d' ailleurs
j' sais pas si ch' projet là y est arrivé à sin terme, j 'espère que meme si y est parti, i s'ra publié et que les bénéfices i ziront as' n épouse
quand que j avo été à mon Henri, in in avo parlé de chte sujet là, du piratache
i nous avo raconté à André pi mi, eune anecdote qui li éto arrivé
vous dire du que cha s' passo j' m in souviens pu, faut dire que Henri quand t allo as' mason ou si té l avo au téléphone, comme dirotent ché journalistes esportifs, i "occupo grinmint l' terrain" , et fallo attinte sin tour pour in placher eune, dit bin sur très amiteus'mint ...
i nous raconto donc qu un coup, in l avo prévenu qui yavo quéqu un qui vindo lors d' manifestations qui avotent trait à l évocation des mines, qui vindo des pages du qui yavo ses poèmes , signé quand meme Henri Raimbaut, pi que sul' feuille yavo mis des "décorations" , comme cha in pouvo eune fo rintré as' mason , l' incadrer pi l accrocher ....
i avo été l' vire, bin sur sans s' présenter, l aute i li avo dit qui vindo cha j' cro bin tro ou chinq euros pièches
Henri , finaud comme y éto, i s approche du stand, i ravisse ché feules du qui a ché poèmes, et innochamint i d'minte des renseignemints à cht iqui vindo cha
"vous l' connaissez Henri Raimbaut ?" qui li d'minte
l' aute i s' démonte te pas, i dit que ouais ....
alors Henri y a comminché à vouloir négocier ch' prix affiché, et comme l aute i commincho à tiquer au bout d un momint, là i s a présenté
connaissotent pour certains la voix "portante " d' Henri, bin l aute in l a plu arvu sur ché stands par ailleurs ....
l' piratache, ch'est vraimint pas bio , pas bio, pour mi , meme si y a pas toudis un aspect pécuniaire à tout cha, pour mi ch'est quand meme eune belle escroquerie
faut toudis d'minder, mi j' vo quand qui ya eune photo que j' trouve jolie et que j' el verro bin sur Histoires de chtis, j' d'minte toudis la permission
j' vo l' photo du chevalet qui est en page de garde, comme celle d avant du qu in voyo la plaine de lens , prise des hauteurs de notre dame de lorette, bin j a d'mindé l' permission à Kiki à chaque coup
j' sais bin qui m' dira ouais à chaque coup, mais au delà d' cha , pour mi cha s appelle du respect, d' la courtoisie...et du savoir vivre ...