aménag'mints et voyettes ...

avec ché rangées d' corons qu in a démoli à tour d' bras, y a des quartiers qu in a du mau à s y artrouver quand qu in y artourne

au miu in abat eune partie des masons in laissant des ilots d habitations ...

in rénove , in aménage ....pour construire al' plache des nouvelles habitations ....

avec pour mi eune vraie question , commint que cha s' fait que ché nouvelles masons là, bin 20 ans après avoir été construites, y a cor des efflorescences , ché traces blanques sur ché façades ?.......

au delà d' cha , comme in "aère" ché quartiers, les premieres victimes ch' est ché voyettes ...

ché voyettes, mon diu cha a toudis été un peu magique

comme si ch'éto eune "entourloupe" à des constructions au cordeau ....

fallo les connaite, souvint tchiots passaches presque secrets, inter des gardins, qui permettotent , et chéto leu charme, d' pouvoir en peu d' temps , passer d un quartier à l aute .....

souvint un raccourchi camuché entre ché masons mi j' me souviens du passache qui avo un nom, le sentier des tombelles, qui parto d' la rue de denain, in longeant l école loubet "filles" et qui permetto d' arjointe la rue florent et telesphore caudron ...

d' là in passo sous ch' pétit pont d' la ligne de ch'min d'fer qui allo des ateliers du 1 vers le 2 pi vers béthune, et eune fo ch' pitit pont passé in s artrouvo rue christian et honorat bouillez et d' là in éto presque à l hotel de ville....

mais cha chéto djà eune grante voyette, nan eune tchiote voyette, i n avo eune au bout d' la rue de marles au 3, et ale permetto à ché gins du quartier d aller plus rapid'mint à l'entrée principale du cimétiere ...

i n avo eune aussi au bout d' la rue de denain, et paradoxal'mint, ale permetto cor d' déchinte plus vite vers ch' pitit pont, chéto un raccourchi d' raccourchi, pisque plus rapite que si in passo par ché tombelles ....

après ché voyettes, "j' cro" que cha a permis pas mal d' rincontres , dans un temps pas si lointain in fait que fallo montrer patte blanque pour ché jeunes garnoules quand qu ale sortotent , ou qu ale rincontrotent des jeunes gins et que chéto pas cor "officiel" qui s' fréquentotent ....
j' rinte pas dins ché détals

voyez , souvint in fait des photos qui deviennent rapid'mint des "collectors

ravisez après, ale date djà d' queques zannées, in vo cor l' restant d' la voyette d in bas d' la rue d' denain, avant qu ale so complet'mint démolie ...

Pour répondre à Minloute, si j'puis m'permette, les traces blanches sur les murs émanent du salpêtre qui sont dues à l'humidité avec le contact extérieur. Ces traces sont également appelées les efflorescences de cristaux blancs.
Il est vrai que, moi aussi je me suis fait la remarque peu de temps après que les bâtiments furent construits.
Ché vrai qu'in n'avot pas cha avec ché briques ed beugin.

chte voyette ché un grand souv'nir, elle a souvin vu mes godasses trainer par la, in haut elle comminche à gauche par l'entreprise de maçonnerie Dupond à droite un gardin qui jouxto l'épicerie Delcour et in bas à gauche quand in déboucho sur el rue Caudron y avo eine boucherie mon dieu que ché vieux tout cha

J'me rappelle d'in n'voyette qui parto du milieu d'el rue d'Brest (achteur), qui longeot l'derrière des garaches rue des écoles et qui déboucho sur el boulvard Basly. In applo cha el voyette Mistinguette.