eune histoire d' cat..
par nounours-94 le, 29/12/2013ché in lisant un fait divers que cha m'a rap'lé une histoire similaire qui date d'à peu près 50 ans.
ej restos rue d' Bône, un bio jour in juant dins ch'coron avec mes camarates in décite d' courir après un cat errant au lieu d'esse sauver dins ché gardins i rien trouvé d' mieux d'aller s'intiquer... sous l' capot d'eune carette. commint qui a fait sin compte? j'in sais rien.
bref. au début in riot bien mais in a queminché à paniquer. à savoir si l' chauffeur n'étant pas au courant i aurot mit s' carette in route et l' pauf' bête griller comme une saucisse.
in a été buquer à s' porte pour i espliquer quoi et caisse.
au début i a cru à une farce mais à forche d'insister et par acquis de conscience i a été ouvrir sin capot, effectivemint ch' cat i étot rallongé sur ch' moteur.
in a eu l' drot à une belle remontrance du genre: ej va aller l' dire à vos parints cosse qui n'a pas fait. heureusemint sinan in aurot eu drot à eune danse in rintrant et privé d' sortie.
bien que chétot pas d' not' faute. enfin presque.
sur cette belle histoire de vilains garnements, ej vous souhaite un bon réveillon de fin d'année et mes meilleurs voeux pour 2014.