l' esprit grande prairie
par minloute le, 04/01/2014très belle canchon de Monsieur Eddy , très belle canchon que j a vraimint ker, pasque mi aussi j a eu " l esprit grande prairie"
al' télé pas tant d' programmes, 2 chaines un point ché toute, mais in s in continto, ou plutot in trouvo cha normal
l' type d' flimes qu in avo l' dro d' vire et faut dire qu in in voyo grinmint al' télé, chéto les ouesternes .......
et plus précisémint ceux du que l' vedette chéto un cavayier comme diro m' grand mère, un officier de la cavalerie américaine
faut dire qu entre ché flimes et pi ché lectures, in bercho la d' dins ,j' dévoro les bandes dessinées qui avotent trait à cha, avec un faible pour Rintintin et Rusty, nan pas que j ' me voyo en Rusty, nan j' me voyo plus en Ripp Masters, j' dis cha pour les espécialistes ou tous ceux qui ont eu ché lives là en lives de ch'vet ....
mes ouesternes cultes cha a toudis été un flime de john Ford, la charge héroique , avec m' n idole john Wayne
sompteux film que j a cor ker à raviser , avec des paysages bin colorisés avec l' procédé technicolor, bon avec des doublages j' l avoue qui sont pu d actualité, mais que flime quand meme
alors mi, j avo ch' t esprit grande prairie , et quand qui pleuvo et qu in pouvo pas juer dehors , bin mi j' parto au colorado
savez ché grands espaces du que surgit par indrots des blocs d' montagne qu in diro des dints .........
bin mi min colorado, chéto dins l' barraque au bois qu avotent mes parints
avant ché rénovations, quand qu in sorto dins l' cour, et qu on allo vers ch' gardin in trouvo successiv'mint la porte des cabinets, pi un peu plus loin la porte del barraque au bois pi après la barraque au carbon
alors la barraque au bois , ch est là qu' min père i ringeo sin bo qui avo cassé, sin p'tit bo , qui avo cassé such' billot , et ringé dans un renfonch' mint de chte pieche
après yavo la barraque au carbon, j' sais pas si in a mis du carbon dins chte pieche, in tout cas mi j a pas connu, j a toudis connu min père vider ch' carbon par l' trappe du soupiral sul' devant d' la mason , mais n' nous égarons pas ...
la séparation entre la barraque au bois et la barraque au charbon ale monto pas jusqu au tuile, nan cha monto à 1 met'60, environ
et là yavo tout pour partir au colorado
en fait min bidet chéto quand que j'me metto à califourchon such' muret
croyez pas que chéto pas confortape , pasque comme tout bon cavayier j avo eune selle, j avo récupéré eune tchiote déchinte d' lit , savez type tapis volant, avec des franges au bout ...
fallo des renes pour guider ch' bidet , pas d' probleme, j avo fixé 2 clous dins ch' morciau d' bo qui éto posé such' dessus du muret
là j avo inroulé autour deux morciaux d' corte, et là , j' devo avoir moins d' dix ans ...
pour arsenner l' plus à l uniforme des cavayier américains, j' metto fixé des bartelles larches qu' min père i avo, et ch' capio d' coboille, au lieu del' mette d' face, j'el metto d' coté, comme i faijotent dans "la charge héroique"
j avo eune sacrée imagination, pasque , eune fo such' muret, j éto parti là bo dans ché grands espaces, à l affut des zindiens qui pouvotent surgir d' partout et ché pour cha que j' devo partir in patroule pour vire du qui zétotent ...
meme qui a des fos m' mère al' m appelo et i fallo qu ale le fasse eune paire d' coups pour que j ardéchinte d'min bidet et que j' m' artrouffe Rue Leverrier ...........
Par sin récit, Minloute m'a projeté quique z'années in arrière.
Mais quand y parle ed grand espace, quand j'allo au Portugal, j'passo par Hendaye jusqu'al frontière portugaise Villar Formoso.
In traversant l'Espagne par el nationale passe que y'a vot pas core d'autoroute, in passo din des contrées qui ressemblot comme deux gouttes d'io à ches paysages ed WESTERN avec ches montagnes, ches églisses caractéristiques et des espèces ed Ranchs restaurants au bord d'el nationale.
J'pinse que cha dot toudis exister passe qu'in a pas pu abatte ches montagnes et raser ches villaches.
D'ailleurs des villageois m'avotent dit qu'in avot tourné des westerns
Minloute m'a presque fait braire in racontant l'histoire ed Rintintin à laquelle y est très attaché.
Hé bin j'voudros d'te dire Minloute, que Rintintin y'est interré au cimetière des chiens à ASNIERES SUR SEINE (92). Mais j'pinsse que té l'savo.
à coté d' chez nous, in espagne, y a les bardenas reales, ch'est un vrai paysache du qu in pourro vire déboucher au coin d un rocher, eune diligence avec un monceau d' poussieres, et derriere ché indiens hurlant....
j a oublié d' vous préciser que sur ch' muret, j avo mi aussi 2 pitons such' coté et j ' pouvo y incrinquer min fusil, comme qui faijotent ché cavayiers de l us cavalery ...
mais j a oublié d' vous préciser que mi aussi j' juo à la chevauchée fantastique, pasque dins l' barraque au bois, qui porto bin sin nom, min père avo fixé horizontal'mint au fond del pieche,eune série d' planches qui artenotent tout ch'bo coupé qui avo mis la d'dins
i n avo eune bonne épaisseur, au moins 80cm j in suis sur, et là j' monto au d'sus des planches, j' prenno un tapis pour pouvoir m assire, pasque mes tchiotes fesses ale zaurotent pas apprécié l' contact avec ché tchiots bous d' bos
aprés in s y sero cru, à l arriere du charriot des pionniers, avec min fusil, à tuer tous ché zindiens qui voulotent arriver à not' hauteur pour nous faire not' piau
pi comme dins ché charriots , y avo eune couverture à soulever pour rintrer à l interieur, faut dire que dins ch' coin en hauteur , yavo ch' ballon d io caute intouré d' sacs d' toiles d' jute et fallo pi gèle .....
donc meme in hiver, eune fo qu in éto à l arriere du charriot, dins l' barraque au bois, bin in avo caud ......
Pour arvénir à l'idée d'Minloute, j'vas d'mander qu'in foulle d'in s'mémoire.
Quand j'éto jone. Un jour avec mes parints in a été à la mer. In bordure ed mer y'avo un chariot d'cowboy comme din ché westerns. Bon y'avot pas d'bidet mais l' carriole al éto bachée et al éto à proximité ed dché dunes.
J'éto monté ed sus et j'avo el vertiche.
Par conte j'me rappel pu du qu'chéto mais soit à Stella, Merlimont, Quend-plache, ou Fort Mahon. In tout cas chéto pas à Bagatelle ou un parc d'attraction ou sur l'installation d'un cirque ed vacances.
P'téte que quelq'un s'in rappelle.