sur la tape de chevet

un verre avec eune cuillère d' dins, un paquet de coton hydrophile, eune poire en caoutchouc d' couleur bordeaux,un paquet d' compresses ....

yavo souvint cha su ché tapes d' chevet des personnes agées

souvint au soir, comme au matin , y avo des tchiots soins à faire souvint dus à la vieillesse

des escarres à nettoyer régulier'mint, des pans'mints à r'faire avant d aller s' couquer, in a tous l' souv'nir dins l' famile d eune personne agée que quéqu un des' famile, s' file ou s' belle file bin souvint , éto carquée d' faire les soirs et les matins ....

"on rinte pas" , nous tchiots, in savo qui yavo des soins, mais malheureux, in auro jamais osé rintré dins l' champe ....

sul' tape d' chevet, du coton hydrophile, oh vinguette in a tous connu cha, l' coton hydrophile, chéto indispensape quand que cha supuro, pour nettier

ch'éto tel'mint indispensape, qu asteure cha a été meme déconseillé, vu que cha laisso toudis un peu d' fibes sur la plaie .....

parel l' rouche du mercurochrome, y a été rimplaché par des solutions d' couleur moins voyante , avant fallo vire du rouche as' deminder si cha avo pas été fait pour camucher l' couleur d un éventuel coul'mint d' sang ...

verre vite avec eune cuiller d' dins, (j fas exprès d' mette cuillère mais sans le e, pasque quand que j éto tchiot cha m interpello que ch'mot là i pouvo s écrire des 2 façons)

verre vite avec eune cuillère d' dins, que j' dijo, tout cha pour i verser eune solution in poute blanque, rajouter de l io, touiller tout cha , pi avaler dins l' foulée , en réprimant eune grimace tel' mint chéto pas bon

mais chéto dans l ' air du temps, comme l huile de fois d' morue, plus que chéto imbuvape, plus que cha devo avoir des effets bénéfiques .....

j allo oublier, dins pas mal d' famile , sul' tape de ch'vet des personnes agées, à l arriere d' ché médicamints, y avo souvint un ou deux cades, des photos d' personnes d eune aut' époque, d' personnes qui elles simblotent figées dins leu jeunesse, vu que cha faijo djà bin des decennies qu ale zétotent parties la haut ..............


ach' tableau là, s' rajoutto aussi, soit un simpe crucifix, soit un tout tchiot bénitier , avec la représentation d' la vierge marie, ou bien sainte therese de lisieux, ou bernadette de lourdes ......