y n a qu' pour li , y est miu vu qu' mi
par minloute le, 10/03/2014chéto dans zeune canchon d' Edmond Tanniere, du qui faijo l' constat qu' sin kien i éto miu vu qu' li par s' patronne
al' mason ch'est parel , et j a pu l' constater ch'matin, j' préviens ché zames sensipes d' pas lire c' qui suit ..
ale mason y a quat' tiens, vous dire commint qu in a arrivé à cha, cha prindro trop d' temps mais voyez mi qui a ker min gardin, j a horreur, d' trouver des crottes d' kien su l' dalle in chimint qui fait l' tour del mason
savoir qui ch'est , cha a été eune longue enquete, des crottes comme cha cha pouvo pas et' mi ni grand mère, djà in est disculpé
ché cats ? nan chéto trop gros
ch' plus grand kien? nan pas assez gros, ah qu ale dit m' femme, sur que cha peut pas et' ch' grand kien, pasque ch'est tin préféré ....
sur que ch'est min préféré, mais j y a quand fait arconnaite, qui fait des crottes plus grosses qu' cha
resto pu que l un des trois "merdeux", ch'est l' cas del dire, tro kiens as' mémère, peureux comme tout, mais pas les derniers à gueuler ....
mais là si j avo l' malheur d' dire , d' esquisser un avis qui pouvo accuser un des trois, grand mère ale monte su ses grands c'vaux, ch'est pas possipe gningningnin
j y fait armarquer aussi que pour des brins d' coulons ou d'moniaux, cha faijo un peu gros, là ale hausse les zépaules du ginre d' dire "mais qui est babache chtilale"
pour in arriver ach' matin, j éto in train d' raviser ch' gardin in étant assis dins l'véranda
et quo que j 'vo passer, aramis, ch' pitit pintchere, avec sin air con, qui trotinno sur trois pattes, l' patte arriere droite d ' arlévée....
avec del crotte qui pindo d'sin trou d'balle, mais qui éto arténu par un bout d' herpe qui avo du minger, et là i s arreto tous les chinquante centimetes pour essayer d' faire sortir s' crotte
là y éto pris la main dans l' sac, enfin ch est eune expression, là quo que j' fais, j appelle grand mère pour qu ale constate effectiv'mint que ch'éto sin kien qui faijo ses b'soins sul' chimint
vous connaissez ché garnoules, là ni eune ni deusse, ale va printe un chiffon , pour essayer d' artirer l' crotte ach' tien...
j' vous raconte pas l' épisote épique del poursuite du kien qui li s' demindo c' qui allo l y arriver et qui continuo à avincher sur tro pattes .....
final'mint et cor j' vous passe les détals, "opération réussie" du débouchache du trou d' balle dech' kien ...
grand mère ale rinte et j y dit, té vo té préfére tin kien à mi, là ale arhausse ché zépaules du ginre " quand meme pas" et là j y dis, "imagine que cha so mi qui so comme cha, avec eune crotte coinchée à min derriere, té viendro m' l artirer?"
et là ale dit tout d' suite "SUR'MINT PAS" , preuve mes gins que ch'kien "y est miu vu qu' mi" .....
à méditer mes gins, à méditer...
el première fos qu'j'ai intindu ch'te canchon , chétot fin 1985 à l'hosto d'Fouquières , j'étos d'su min lit in estension "gampe gauche" fracture du bassin , accident traval "trajet"
n'allez surtout pas croire mes gins
qu'ech'su jaloux d'ech'tiot quien
mais in'da qu'pour li yé miux vu qu'mi
un canchon qui dit bin l'vérité
chés paroles y m'arvientent tout duchemint
Ch'est eune canchon de SIMON COLLIEZ
Y' IN A QU' POUR LI
Paroles et Musique de Simon COLLIEZ
Quand j'intinds certains dire qu'i mènent einne vraie vie d' tchien
J' voudros bien ête à lu plache i faut vire l' mien
In l' caline in l' chouchoute in li fait des caresses
C'est le petit toutou chéri à sa maîtresse
Mi in ravisse à m' acater des cigarettes
Mais in acate des trucs in boîte pour l' pitite bête
In li donne un bol ed' laid caud tous les matins
Mi ch' est toute einne histoire si j' bos un verre ed' vin
Pas question d'écouter l' radio après dîner
Ch' tchien i s'arpose i faut surtout pas l' réveiller
Mais si ch' est mi qui va m'allonger dins ch' divan
In claque ches portes là in s'en fout d' faire du boucan
REFRAIN:
Ch' est pour qui les p' tits mots gentils
Min p' tit biquet min gros chéri
Ch' est pas pour mi ch' est tout pour li
Et ch' est pour qui les p' tites caresses
Les mots rimplis ed' gentillesse
Ch' est cor pour li jamais pour mi
Alle m' a jamais parlé comme cha
Alle m' a jamais dit ches mots-là
A croire qu' ichi ch' tchien ch' est mi
Surtout n' allez pas croire mes gins
Que j' sus jaloux de ch' pitit tchien
Mais i n' a qu' pour li
I' est miux vu qu' mi
Li i' a l' drot d'aller faire sin p' tit tour tous les jours
Mi j'ai à peine el' drot d' aller plus loin que l' cour
I' arvient i rinte avec ses pattes sales dins l' maison
In li dit rien si ch' étot mi quoi que j' prindros
In f' sant sin p' tit pipi quand i’in met sus l' moquette
In li dit rien in pardonne tout à l' pitite bête
Mi quand j'in mets einne goutte à côté de l' cuvette
Ch' est tout un drame et quoi que j' prinds dins mes niflettes
(au refrain)
Avec un tchien d' garde comme cha alle est bien montée
Je n' sais même pas si i s' rot capable d'aboyer
Si un jour par malheur alle s' faisot attaquer
J' cros bien que che s' rot li el' premier à s' sauver
Tous les soirs ch' est pareil pour raviser l' télé
Mi j' sus sur einne caïelle li i est sus ch' canapé
Tout au début j'ai voulu l' faire décamper
I m'a mordu em' femme alle m' a cor ingueulé
(au refrain)
Sur son site vous pouvez trouver tous les textes de ses chansons :
http://simoncolliez.free.fr/textes.htm