un drôle de batteur
par nounours-94 le, 16/03/2014les anciens doivent s'in souvenir dins l' temps des fos sam'di soir i avot des bals dins ché bistros notamint rue Desseligny à mos d'ech' Boule in t'rautre.
bien souvint un tiot orchestre 3 musiciens sur une estrade et les gins guinchotent jusqu'au p'tit matin.
l'histoire qu'ej va vous raconter ale dot dater de presque 50 ans chétot ach' café Mayeux rue Paul Daguercart au 3. (l' boul'vard des allongés) comme ej dis toudis y avot une salle à côté du café pour noces et banquets.
donc, un sam'di nous v'la parti avec mes parints et l' famille danser. pas mi j'étos trop jone.
in arrife les 3 musiciens queminchent à juer.
i avot un accordéoneux, un trompéttiste et.... l' fameux batteur.
pourquoi j'écris l' fameux batteur?
la vous allez rire.... parce qui juot tous les morceaux sur le même rythme qu'eune valse imaginez un tango, ou une polka sur le rythme d'eune valse... et les deux z'autes musiciens qui n' savotent pus dusse qui z'in étotent. à croire que cha devot ete un batteur d'occasion qui z'avotent pris pour rimplacher l' leur
à tel point si ej peux dire que les gins ne savotent pus sur quel pied danser.
j'en sais pas si y a fait une grante carrière dins la musique à m' n'avis j'en cros pas. à moins qui ai pris des cours par la suite.
quand j'armonte à Bruay inévitablemint in in r' parle toudis même presque 50 après in in rigole incor.
NB.
in écrivant l' sujet cha m' rappelle aussi les bals organisé par ch' café D'Autriche rue Marmottan. chétot dins l'salle au fond derrière l'églisse Saint Martin. si vous etes bien sache ej vous l' raconterais prochainemint.
adé mes gins.