Les jardinsAndré
par minloute le, 06/04/2014cha y est , André y arpose asteure au cimetiere in haut del cote à Bruay
au d'sus d' li comme eune sentinelle protectrice, l' symbole des' passion , ch'terril du 3
y a été accompagné as' dernière demeure par grinmint d'gins, sans compter tous ché messaches d' sympathie qui ont circulés sur les blogs , les mails personnels , et pi facebook
j' in termine avec cha , en disant que unanim'mint ché gins qui sont v'nus samedi pour t'rinte un hommache , ont souligné leur émotion, la "communion" d' ché gins présents, pi l' éloge qu ale a fait Amandine sur sin père
j' in termine avec cha pasque j' connaisso assez "l' animal" pour dire qu'André i nous diro asteure : "arretez d' braire, allez d' l' avant , m' oubliez pas quand même, mais oubliez pas d' vivre aussi"
j' viens d écrire plus haut qu in li avo rendu un hommache, j a pas marqué un "dernier hommache" pasque André ch' éto eune sacrée pièche alors in va pas pouvoir l' oublier comme cha ....
