un dictionnaire azéri

j' ravisse depuis eune paire d'temps ché mouv'mints de transfert pour le RC LENS .......
J' vo par chi, untel dans le collimateur du RC Lens, t apprinds quequ' jurs après qui va signer in al'mane .....

que ch'jueur là i devo signer là , chéto imminent, et l' gars i signe dans un clup d' deuxieme division .....

et cor ch'est les quéques échos qu in intind, les seuls d' ailleurs à s' mette sous la dint

j' a bin intindu que Gervais Martel i juro l' maintien l année prochaine, mais bon , va falloir rinforcher l équipe quand meme...

alors j a lu sul' site internet "madinlens" qui comptotent faire venir tro ou quat' jueurs azéris , sans compter un jone d' 17 18 ans qui jue asteure au fc bakou

mi j a rin conte , vu qu in a connu grinmint d' passaches à Lens et qu in a connu j' allo dire des "vagues d' étrangers" ou d origine étrangère
ya eu un momint du qui a eu pas mal d' polonais, dans les années 70 80 , j' les avo ker, i mouillotent l' maillot

et in a eu eune vague d' nèques, si si, in dijo meme in rigolant qui yavo grinmint d' l équipe qui avo armonté del fosse et qui avo pas eu l' temps d' printe eune douche avant d' fouler l' pelousse

ceci dit sans eune pointe d' "préférence nationale" comme dirotent certains, vu qu in plus à Lens y a jamais eu d' comportemints invers les "étrangers" d' la part des supporters comme in a pu vire in italie ou in allemane .....

pététe que cha sero une bonne solution, ché "azéris" , après est ce qui zont l' niveau pour juer en ligue 1 ? cha cha sera à vire, pi si i viennent in leur deminte d abord d' li faire honneur ach' maillot et del mouiller grinmint ....

après si faut acater un dictionnaire azéri et que cha permetto au Racing d' rester in premiere division l année prochaine, mi j' su près à l acater ch' liffe là ....

affaire à suive mes gins ....