amateurs chez les pros

in date du 29 juin, j a l impression qui a eune image d amateurisme dans la communication du RC Lens ...

d'abord , j' l avo pas arlevé et pourtant ch'est su ché tablettes depuis quequ'jours, oficiel'mint le RC Lens y est pas intégré dans le championnat de ligue 1 2014 2015

eune histoire d' sous, d' sous qui serotent pas arrivés à temps, que Gervais Martel, y a été obligé d aller en azerbaidjan d' abord quo y faire, in a lu qui avo été récupérer ch' chèque, ou obtenir la confirmation d' l invoi du fameux chèque , que la ligue ale auro fait cha exprès , qu ale auro recu l' chèque l'lend'main ...

in a intindu tout et rin.... sur la prèsence du RC Lens en ligue 1 j' su pas inquiet , cha va s' faire, mais que image qu in donne.....comme chi i pouvottent pas faire cha A TEMPS .....

que dire aussi ,d' l' incertitude d' savoir sur quel stade i vont juer ch' t année, l impression aussi qui s y serottent pris pas à l avinche ........

que asteure i jourottent ch' t année les matchs à domicile sur 3 stades différents ........

pour conclure, in vo bin qu au niveau des transferts d' la ligue 1 cha comminche à printe sin rythme de croisière, chtichi y a signé à Marselle, chti chi à Bastia, chti là au PSG, meme dans les clupes d' ligue 2 cha comminche à s' préciser, par conte, in intind pas grand cosse d' nouveau du coté de Bollaert

j' voudro pas et' un oziau d' mauvaisse augure, mais .....

cha sint pas bon pour un aut' club , ch'est VA, qui sero rétrogadé, non pas en National, mais en CFA, c' qui veut dire que cha sero la fin du professionalisme pour Valenciennes

Meme si j' su pour Lens, in peut pas s' réjouir d' la perte d un clup d' football dans eune région du qui restero, au miu, que 2 clubs en ligue 1 pour la prochaine saison