du grand cirque

pas cor fini les "exploits" du RC Lens ou plutot d' sa direction, si André sero cor là, i s' ro in train d in armette eune couche

Am' mote i devrotent canger le nom du clupe, in devro l appeler l' OB Lens, l' Olympique des Bricoleux d' Lens ..

zavez djà vu un clupe que sin entraineur i veut pas entrainer , i attind la décision définitive de la ligue , d' savoir si le racing i arvient vraimint en ligue 1 ?

ch'est du plus bel effet au niveau des jueux , et pi sin président i li met pas d' sanctions, nan " i le comprint"

là, Gervais Martel, j' el comprinds pas, ptete facile d' dire qui a fait la saison de trop, meme avec eune (in l espere) armontée en ligue 1....

in tout cas, l' actionnaire principal, hier 5 juillet , y a invoyé un communiqué cinglant contre la gestion du clupe

alors , est ce que ch'est pour rassurer ché gins de la ligue qui doivent statuer le 9 juillet sur la montée du RC Lens en ligue 1?
est ce qui fait comprinte que Gervais Martel i va sauter vu que la gestion auro été un peu olé olé ?

que Gervais Martel i so remercié , pététe, mais que la gestion ale a du cor et' faite à l arrache, cha cha m étonnero pas

in tout cas , la reprisse ch'est dans moins d un mois, imaginons, espérons qu in so validé en ligue 1, bin j' trouffe que ch'est pas un début d' préparation et d entame d' saison très serin ....(sans parler des matches dans les différents stades et le recrut'mint qui est au ralenti)

Sus d’accord sur l’busiage d'Minloute in particulier su l’indrot dus qué dot juer el RC Lens

J’sus gramint seurpris pasqué j’warde un bon souv’ni in organisation d’eine grande fabrique d’Lens dus qué j’ai ouvré pour installer eine lonque machine à fabriquer des capes électriques.
Ch’tot un biau cantier . Not’ équipe ed tecnicines a busié à tout chu qu’in d’vot faire de A à Z : itinéraire des camions, grues d’lévage del maquine, maçonn’rie, arrêt timporaire d’équipe d’overriers pindant l’montache dé l’maquine pou ouvrer dins les normes ed sécurité, protections in cas d’intempérie, bref à tout. Et cha s’est bin passé.

Vous m’direz qu’un cantier d’arnouv'ler un state ch’est aut’ cosse ebin non, menme si ch’est pu important, ch’est l’même principe d’organisation ! Et ichi , i s’agit non pon d’eine équipe ed tiots techniciens qui ont foque busié à l’affaire mais d’un Persidint d’club assisté pa s’comité, un Persidint ed Région , un Persidint ed Fédération Frinçaisse , un Mayeur pusse sin consel municipal et j’in passe !
Et tout chés soi-disant grosses tiètes i n’ont pon été capabes ed définir el calindrier des év’nmints !

A 3 s’maines d’l ‘arprise in sait pon dus qué va juer el RC lens ! Incroïape ! L’bons sins voudrot qu’Lens aille juer quèques matchs au Grand State à Lille pou accueillir ses nombreus supporters (22000 abonnés !) mais là ch’est niet pa el LOSC ! Ch’est quaind mênme aveuc eine belle part des doupes des contribuapes qu’in a costruit el state Maurois !

Reste el solution juer à Volinciennes . Mais là ch’est l’botelle à encre ! Parel touillache d’organisation : in n’sait pon incore si VA va juer in Ligue 2, in National obin in CFA ! Volinciennes Métropole, propriétaire du state du Hainaut veut réserver in preume l’usache du state à VA.
Mais el club i’a 10 myons ed dettes et i dot rimbourser ses créanciers avant d’commincer el prochaine saison. Alors Volinciennes Métropole, el Persidint d’VA, Borloo et ses comarates cachent des doupes partout.

Et tout cha , d’après el gazette , VA est in déficit pasqué in a mau géré el club : in a donné des treup gros salaires , in a arcruté bin ker des jueux qui n’avotte pon l’niveau ! Et cérise su l'gatiau, l'stade Bollaert arnouv'lè va foque archévoir 35000 spectateurs alors qué ç't'année i'a eu des affuinces ed 41 000 supporters ! Dus qué vont daller les 6000 gins privés d'matchs ?

Bref aveuc ed parels ecsimpes, faut pon s’étonner si cha va mau in France !