Les jardinsVA in Lique 2 !
par TIOT RITAL le, 11/07/2014Jean-Louis Borloo i sa ingagé auprès du cleub ed Volenciennes. VA a été réintégré in Ligue 2 verdi pa la DNCG après s'passache in appel. Borloo i'a dit à l'AFP : J'dévients "Persidint d'la holding "Diables Rouches" qui va seurquer (contrôler) el VAFC".
Borloo i'a co dit à l'AFP: "J'ai moutré (monté) l'projet edvant l'DNCG in étant l'garant des bailleurs ed doupes (investisseurs). J'serai l'persidint d'la holding "Diables rouges" qui a été créée et qui va contrôler el VAFC. J'sus persidint du cleub pa intérim. El club i'ara un persidint qui s'ra nommé radmint (vite) , p'têt mercredi, et cha s'ra pon mi. "
Pus tôt, l'incien persident Jean-Raymond Legrand avot dit à l'AFP: J'm'ai arsaqué hier (jeudi) soir pou que ce soche Jean-Louis (Borloo) el persidint du cleub edvant la DNCG".
Valenciennes, arlégué sportivemint in Ligue 2 en mai dernier et administrativ'mint in juin in raison ed difficultés financières, i'a final'mint été réintégré in L2 pa la Direction nationale ed contrôle ed gestion (DNCG) après sin passage in appel verdi, el lind'main dé l'levée del procédure d'ardress'mint judiciaire.
Bonne nouvelle mais quaind même , mi j'busios qu'les Diables rouches ch'tot les belches ! Alors si Volinciennes edvient aussi les Diables Rouches , à m'mote qu'i dot avoir des doupes belches dins ç't'affaire ! A ch'teure va falloir ouvrer sec ! Ram'ner l'pus possipe ed jueus d'l'année dernière et warder l'intraineu Ariel Jacobs (un belche) !
