ch' est pas cor terminé

j' me d'minte si in djà vu cha, mais que brin dans ch' championnat qui a pas cor comminché ..............

alors en ligue 2 Luzenac i devo pas monté, mais en fait i risque d' monter et qu in s artrouffe avec 21 équipes,à se d'minder à quo cha a servi ché premiers matches, chéto pour du beurre ?

après y a le racing club de Lens ...attindez in va in parler après ...

mais comme ch'est pas cor clair l' situation, y a sochaux, qui est ardéchindu en ligue 2 qui d'minte à printe la place de Lens

bin acoutez , meme si cha do choquer, j' sero pas conte,pasque du coté du racing, commint voulez vous qui s in sortent ch' t année
retoqués, passache , repassache devant la commission, avis défavorape, pi avis favorape, cha y est in est en ligue 1

sur qu in est inquiet, 15 jurs pour que ch' l entraineux i comminche à entrainer, qui comminche à souder eune équipe qu ale a l' moral et in l' comprint in bas des cauchettes, vire in d' sous des crampons...

les matchs à domicile à aller juer à amiens .... va falloir avoir un coeur gros comme cha pour aller les supporter si loin d' Bollaert

allez in y croyo cor , in voulo cor y croire, mais là cha comminche à sintir l' paté, in parle d' cessation d' paiemint durant la saison, voir de dépot de bilan ....

Mamadov i traine les pieds pour éponger la dette d' l année derniere et pour donner ché 4 millions demindés par la commission
la commission ale attind, et l' temps qu ale attind, interdiction pour le Racing de recruter .....

là j' me d'minte vraimint du qu in va, cha tourne à la grosse farce, in va cor passer pour des bricoleux, alors l' dernier coup Mamadov i éto "vesqué" ch' est pour cha qui donno pas ché sous, alors asteure quo qu in va bin nous inventer pour faire passer l' suppo ?

am' mote que si cha continue comme cha ... si Antoine Kambouaré i claque la porte ché jurs chi, in aura tous compris