pindant ché fetes

quand qu in fait un artour en arriere, quand qu on s' rappelle ché tabes d' la noel ou du nouvel an, in s arvo tout tchiot, in s' rapelle nos joies, nos attentes des cadeaux , mais aussi on arpense à tous ceux qui étotent là avec nous et qu asteure in nous ont quitté .........

cha in fait qui sont partis : des mononques, des matantes, des grands parints, des parints meme, et quequ' fo aussi des frères ou des soeurs .....

quand qu on arvoit ché photos cha fait du monde, et c'qui m' touche ch'est qui a des photos d' em mère par exempe , qu à l époque j' trouvo , escusez me "vieille", et qu asteure j' su plus viu qu elle ach' momint là ...........

sur ché tabes , in vo cor des bouteles in verre, des gins qui finquent , qui juent à cartes, en manches d' quémiche

ch'est si loin et si proche à la fois .....

mais asteure, ch est nous qu in "jue" l'role d' nos parints ach' momint là, in fait cor croire à nos ptits zinfants que ch' père noel i existe
in participe à la magie de noel, in est contint quand que nos zinfants i viennent al' mason passer ch'réveillon, et en voyant m' femme qu ale avo l' cafard au départ d' eune des files, j' arvoyo m' mère 40 ans avant qui avo l' meme comportemint

la roue tourne , mais tout s' transmet

Ch'est parel pour mi, j'y pinse parfos ...qu'cha passe vite ! quanqu'in est tertous insenne j'ai comme des flashs, je l'dis pas, ches jones peuv'tent pas comprinde. J'arvos min grand père mes oncles mes matantes, mes parints, j'me surprins à faire les mêmes chosses qu'eux.

J'fais surtout comme m'mère : l'ménache pour Noël : tout y passe, ches voilaches, ches carreaux, ches meupes et préparer ches chambes ches lits pour ches tiots.
Y fot qu'cha seuche fait sinon j'sus pas trinquile.

Mais y a un truc qui à chaque cop m'fait pinser à m'mémère à mi ch'est l'calin d'10 minutes dins ch'grand lit.
Cha ch'est un momint privilégié avec m'tiote file. Après qu'ale a passée dins l'salle de bains in intind ches tios pas dins l'couloir et hop ale s'gliche dins min lit ; mi j'arrife après et là in a note momint.
toutes les deux in s'raconte des "secrets" ou ale me deminde "comment c'était mamie à ton époque" exactemint comme mi avec m'mémère.

Alors là te pinses que l'temps passe vite mais qu'ches des instants magiques. Elle fera peut-être cha à sin tour avec ses tiots.... qui sait ?