boeuf bouilli
par minloute le, 19/01/2015ch' boeuf du bouillon, rar'mint déçu avec li
d' abord, tel' mingeo caud, savez ch' bouillon qui cuit d' puis des heures sul' fourneau , plus recemmint sul' gaziniere
ch' bouillon qu in a passé l écumoire dans l' premiere heure d' la cuisson
ch' bouillon qui embaume la cuisine et vient mette el' buée su ché vitres ...
bouillon servi, pi après l' viante bouillie, cor que yavo l' rituel d' l oche à moelle , distribué par m'mère à nous qu in attindo cha par avance avec délice, moelle servie avec eune grosse rasate d' sel et d' poiffe
pi après in mingeo l' viante accompagnée souvint d' eune sauce tomate faite mason bin sur.........
au soir, l' boeuf y éto servi froid, en salate, avec eune vinaigrette avec des capres et des morciaux d oeufs ....
j' cro que ch'est là que j l' avo l' plus ker, quand qui avo bin cuit, et qu in l' mingeo frod
eune aute sorte que j avo ker, j' me souviens, tout tchiot, m' guiffe collée al'tape , à vire m' mère passer l' viante dans l' robot de marque Moulinex, j' m escusse, et cha m étonno toudis, d' vire m' mère couper ché morciaux d' viante, pi les incrinquer in haut d' l apparel in les poussant avec eune espece d' pilon in bo
après j' ravison l' viante passer par ché trous du hachoir en bas, et d'el vire s emberlificoter al' sortie, avant d' querre dins ch' plat
là cor, j avo ker quand que m'mère ale m in donno un tchiot morciau
tout cha bin sur pour préparer le hachis parmentier
et le hachis parmentier ché bon, et du qui est cor meilleux ch' est cor qui est cor arcuit, donc au total là l' viante ale a du et' cuite 3 fois.....