in cousot aussi
par Marie-Claire le, 04/11/2005L'aute jour j'vous racontos qu'chés femmes alles tricototent gramint mais alles cousotent aussi gramint
D'abord, in j'tot pas un patalon passequ' y avot un trou, non in i mettot eune belle pièche
Et i n'a qui faisotent des vêtements elles même, cha chétot quand même un peu plus compliqué, i fallot s'y connaite un tiot peu
M'grand mère alle avot appris l'couture, alle a toudis travaillé à s'mason pour chés gins
Dins chés corons, in y apportot ch'tissu et ch'patron, quand y avot un patron core et alle féjot aussi bien des robes, des jupes, des corsaches que des mantiaux
Chés gins i z'étotent contints, chétot forchèmint moins ker que dins chés magasins ou qu'chez eune couturière avec pignon sur rue
Alle m'a raconté eune anecdote, pendant la deuxième guerre, mes grands parents avotent évacués d'Grenay, avant d'partir alle avot ramené tous chés travaux d'couture, comminchés ou pas du tout, à ses clients
Alle étot à peine arvenue, j'sais pus combien d'temps après suremint queques mos après ete partie, qu'chés gins i z'i avotent tout ramené in un temps record