Monsieur Wacheux instituteux à Loubet 1

en cours d année in a cangé d' liffe d' lecture, et in a eu drot à un aut' que j' me souviens pu ch' titre, que j a bin caché et que j a pas trouvé
ch'éto pas disposé parel, autant dans le liffe le Petit Gilbert, yavo du texte mais écrit en grand, alors là, yavo un texte d' plusieurs phrases, mis sous chaque dessin, et sur eune pache yavo plusieurs dessins

j' me souviens que l' héroine, ale s appelo Claire, chéto en noir et blanc am' mote, et Monsieur Wacheux i avo piqué eune colère quand qui avo fait lire à haute voix un éleffe, qui butto su ché mots, qui annono plutot qui liso

"on va reprendre le premier livre de lecture si ça continue".........

grand respect qu in avo envers li, j' me souviens aussi qui nous avo diffusé des imaches , chéto eune espèce d' projecteur qui avo un support en permanence dans l' fond d'la classe

et ch'éto des imaches in noir et blanc d' la guerre 14 18

d' abord , in éto impressionné pasque pour passer cha, "ch'maite" i avo tiré ché grands rideaux noirs, plongeant la salle dans le noir

mr Wacheux i avo eune grante regle d'couleur rose, eune règle j' devro plutot dire un baton, de tchiot diametre, qui li servo dans grinmint d occasions

i parlo d eune voix grave plus ou moins forte , cha dépindo quand qui voulo signaler quéquosse, un peu comme un comédien voyez

et s'baguette chéto comme un prolong'mint d' es'main, in éto quand meme inquiet quand qui éto su l estrate, et qui commento ché photos, qui tindo sin bras avec l' baguette sul' l espece d' diapositiffe, et d' vire les plans del photo venir s' mette su s' blouse , in s'demindo si cha allo pas et'graffe pour s' santé, in tout cas pour rien au monte in auro osé passé d'vant l'leumiere del photo projetée

autre grand souvenir avec Mr Wacheux, chéto sin tableau, avec d' chaque coté des pans qui s arpliotent

souvint quand qui nous faijo faire quéquosse, et qu in oso discret'mint arléver la tiete, in l' voyo préparer conscencieus'mint la prochaine leçon

imaginons que chéto le son "eau", bin i écrivo des mots au tableau , alors l'premiere partie à la craie blanque, et l 'terminalité "eau" d' couleur rouche

mon diu qu' vous zécrivotent te bin au tableau, la craie ale éto prisonniere d' vot' main, chéto des bio pleins , des bio déliés

que dire quand qu in vous voyo au matin, commincher vot' enseignemint, avec eune belle écriture l' date au tableau

c'qui m' toucho aussi , ch'est que d un coup, vous preniote l' éponche magique, savez celle que d un seul coup, cha effacho toute l' craie du tableau, et cha faijo disparaite d un coup , tout l' bio traval d' préparation que vous zaviez fait

vote baguette rose, un coup vous l avez cassé, j' sais pu commint mais in a tous poussé un "oh"
zavez continué , imperturbape , ch' cours ,sans laissez apparaite l' moindre contrariété , et ch'est que l'lendemain que zin avez eune aute toute neuffe