tableau des supplices

quand que j' voyo ch' maite sortir ch' te tableau là, ch'est comme chi j allo à l abattoir ...

en primaire, ch' maite y avo cor "support pédagogique", vinguette que j' parle bin, i avo des zaffiches qui avotent des oeillets par lesquels i fixo chte fameuse affiche such'tableau
j' sais pas si vous vous in souvenotent, yavo comme eune réglette in alu au d'sus du tableau , avec des crochets que ch' maite i pouvo faire glicher et que d'dins i accrocho ché cartes

autant l' carte du relief français, chéto m' grante copine, autant l' affiche du qui yavo in résumé , tous ché volumes , tous ché diamètes, tous ché calculs d' aire, (d' surface si vous préférotent), ché longueurs ...

rappelez vous, ché pots en étain dessinés, qui zarprésentotent ché volumes, en centilites, lites, décalites ...sans compter ch' quintal

ché distances, avec, mis en évidence, ch' fameux met' étalon, que chéto eune invention francaisse , mais au liu d' tout compter en met' in a mis des millimet' des centimetes ......
sans compter la fameusse chaine d arpenteur, qu in a eu l honneur d' déployer dins la cour, chacun not' tour, et qu in devo en comptant ché morciaux , trouver combien que cha faijo 3 m ou 4 m
(mi such' coup là, comme j a un nom qui est plutot dins l' fin fond d' l alphabet , A FORCHE d' vire ché zautes faire, j avo compris commint cha marcho)

comme diso l aute, "i comprind vite mais y faut du temps" ...

et pi VRAIMINT, ch' maite i nous donno à résoude des problèmes qu in auro pas du résoude, si ché gins i zétotent simplemint UN PEU PLUS ravisant ...

après chéto à nous d' calculer combien d iau i s éto échappé du tonniau pasque chti chi i avo pas bin freumer l' robinet et que cha avo rimpli eune bassine située in d'sous qu ale conteno 20 lites, mais qu ale éto rimpli au trois quarts tout en sachant que l' femme ale éto v'nu avant remplir un séyau d' d' iau d' chinq lites, et qu ale in avo foutu la moitié à terre ........

ou ché deux zautes, qui partotent d' un endro différent pour s arjointe, mais que l'train du premier y avo fait tant d arrets, mais qui roulo à telle allure, alors que ch' second train qui devo et' un direque, i avo eu eune panne d' dix mineutes dans le premier tiers du trajet et fallo calculer à quelle heure i zallotent s' croiser ...

après té t étonne que la sncf ché gins i ralent toudis pour ché retards, zavez vu cha date pas d hier .....

pi, ché mili, ché déca, ché centi, ché zéros et ché virgules, et mettez me tout cha en met', pi artirez me vinte centimetes et dites me la couleur du bidet d Henri quate ...

que voulez vous, mi cha m a traumatisé, et cor asteure, j' préfére cor bin raviser des heurs eune carte du relief géographique d' la france, plutot que d' cacher combien qui perd ch' robinet en eune heure...