l' estrade

l' estrade , le domaine dech' maite, ch'est là qui s' teno l' plus souvint, so assis à sin bureau mais l' plus souvint d'vant sin tableau

eune estrade, in auro pu comparer cha avec eune scène d' théatre
pasque ch' maite ch'éto aussi un acteur, un comédien ....

verbe haut,silences souvint cor plus impressionnants, grimaces, envolées lyriques, engueulades, doigt pointé, coup d' regue sul' coin du bureau ou en train avec elle d' nous apprinte à lire....

quequ' fo i nous surprenno à s assire au coin d' sin bureau, chéto souvint vers la fin d' la journée ou quand qui arpento l' estrate d' long en large quand qui n avo un d' nous qui faijo un exercice au tableau

nous in l' voyo d en bas, et in connaisso chaque portion d' l estrate, in savo du que cha grincho plus ou moins

nous in éto , in s'sinto beaucoup plus bas, mais cha nous impécho pas à disséquer , à s'moquer (discret'mint) dech'maite quand qui éto su l estrate , bin ouais cha li arrivo d'casser eune craie, ou del faire crisser , soit presque d' trébucher en armontant su l estrate .....

mais dès que ch'maite i dijo "bon j'va invoyer quéqu un au tableau"

bin là chéto pu la meme cosse...

traverser la salle, monter su l estrate, al' vue d' tout l' monte.....
pas savoir à quelle sauce in allo et' mingé par ch' maite.....
ou si in éto pas si sur qu ' cha d' résoude ch' probleme marqué au tableau ..

pire , quand que chéto interrogation de récitation, alors ceux qui étotent assis prenotent un malin plaiji quand chti qui éto su l estrate i annono, i s' trompo , i éto pu sur d' la suite...

mais quand que chéto not' tour .... vinguette que l' marche pour y acceder ale éto haute, vinguette qu in avo l impression d' ete à la vue de tout l' monte

in trouvo toudis simpe , à vire commint ché maites i zécrivotent si bien avec la craie, aussi bin, j' diro meme miu qu' nouzautes avec nos porte plumes

i zécrivotent bin et surtout drots.....

alors quand que chéto not' tour, chéto loin d' et' aussi bien, meme qui ya des fos eune fo qu in éto arvenu à not 'plache (oh l'soulag'mint quand qu in ardéchindo d' l estrade) et qu in raviso c'qu in avo "écrit" au tableau, in éto pas fier ....

quand que j' vous dijo que ch'maite chéto souvint un acteur ou un comédien, ch'est que j in a connu qui zétotent tel'mint passionnés à nous donner leur enseignemint, qui s y donnotent à fond .........................