histoires-de-chtis® depuis le 20 février 2005

 

 

Les 60 dernières histoires


  de la portière du wagon (18/01/2018)
  hommage au pourchiau (16/01/2018)
  faut pas toudis s' fier à c' qu in vo (13/01/2018)
  Les mineurs (09/01/2018)
  des flashs (01/01/2018)
  al' nouvelle année (31/12/2017)
  nous vlà chi djà à la fin d année (31/12/2017)
  grand père et tchiot garchon à la fois (25/12/2017)
  dernier soir (24/12/2017)
  ch' pitit calendrier (24/12/2017)
  la roue tourne (23/12/2017)
  un cadeau de Noël la visionneuse (23/12/2017)
  souvenir d école enfin si on veut (22/12/2017)
  Sofifoto (17/12/2017)
  ché vints d Artois... (17/12/2017)
  hareng saur (17/12/2017)
  faut laisser la chance aux zautes (17/12/2017)
  peur durant l occupation 2 (16/12/2017)
  peur durant l occupation 1 (16/12/2017)
  peur durant l occupation (16/12/2017)
  im' dégoute (11/12/2017)
  au marché fin (10/12/2017)
  au marché suite (10/12/2017)
  au marché (10/12/2017)
  in devro plutot dire bunker (10/12/2017)
  Vimy sous la neige (09/12/2017)
  vestiges de la seconde guerre (08/12/2017)
  de Merlimont à Stella fin (07/12/2017)
  Stella Plage et retour (07/12/2017)
  De Merlimont à Stella 1 (07/12/2017)
  de Merlimont à Stella (06/12/2017)
  im' narguo chtilale (05/12/2017)
  un costume asteure trop grand (04/12/2017)
  va te brosser (04/12/2017)
  cor un coup du qui vaut miux fermer s' bouque (04/12/2017)
  y a des momints du qui vaut miux fermer s' bouque (04/12/2017)
  l'art dins ché corons ..... (03/12/2017)
  le ronéotype et le collache (29/11/2017)
  le frimas et récitation (29/11/2017)
  ché noms polonais (29/11/2017)
  Commint qu' in écrit chés noms polonais ? (26/11/2017)
  souvenir souvenir (26/11/2017)
  les trains de plaisir (26/11/2017)
  Catherinettes (25/11/2017)
  la rue qui sint .... (24/11/2017)
  Charlotte dins l' cuisine (24/11/2017)
  ch' baril multifonctions 1 (14/11/2017)
  ch' baril multifonctions ... (14/11/2017)
  arrivée d' la télé et demandez le programme 3 (13/11/2017)
  arrivée de la télé et demandez le programme 2 (13/11/2017)
  arrivée de la télé et demandez le programme 1 (13/11/2017)
  arrivée de la télé et demandez le programme (13/11/2017)
  les Ch'tites souris (12/11/2017)
  cor heureux qu in avo du sape (12/11/2017)
  du grr au ploc ploc en passant par le vroum vroum 2 (09/11/2017)
  du grr au ploc ploc en passant par le vroum vroum 1 (09/11/2017)
  du grrr au ploc ploc in passant par le vroum vroum (09/11/2017)
  pour la soif .... (08/11/2017)
  merci Aspro (08/11/2017)
  à chaque époque s' magie ... (06/11/2017)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 Hervé62155 ( 24/12/2017)
Joyeux Noël et Bonne...
 LYLY ( 23/12/2017)
Bonjour à tous, je r...
 Drit79 ( 18/12/2017)
Un Grand Bravo et un...
 Alain62 ( 20/09/2017)
Bonjour tertous, hi...
 clarinette61 ( 09/09/2017)
Bonjour à tous Fill...


Liens
Histoires de chtis sur votre site
interrogations in primaire suite
par minloute le, 04/02/2015  

j avo oublié d' dire dans l' sujet précédent, que ceux qui avotent te pas bin répondu à ché questions que ch'mait' i avo posé, i s'faijotent appeler arthur al' récréation suivante ... (meme si nous memes in auro pas été surs d' pouvoir mi s in sortir)

in primaire , chéto réglé comme du papier à musique, fallo apprinte t' leçon, et au cours suivant ch' mait' i interrogeo quéqu un au hasard

rar'mint , très rar'mint d' intérrogations surprisses

par conte i noto cor souvint dins ch' cahier d' textes , c' qui fallo réviser pour l' prochain coup pasque là in savo qu in allo avoir un controle

et une fo par mos, là chéto du sérieux, in metto d' coté, ou plutot in devo ringer, sin cahier d' brouillon, sin cahier du jour dins l' fond du cartape

et là ch' maite i ouvro eune armoire vitrée du que 'd'dins y avo les cahiers de compositions

j ' al' souvenir en CM2 cor des couleurs des protèges cahiers alors, chti du brouillon y éto vert, ch'ti du jour i éto jaune


par conte ch' cahier d' composition , l' protège cahier y éto marron
bio cahier du qui fallo in printe bin soin, in plus in l' sorto qu eune fo par mos, c' qui évito l' risque (normal'mint) d écorcher ché coins d' pages

bio cahier du qu in devo s appliquer à bin écrire

bio cahier qui avo s' n odeur d' plastique particuliere, vu qui passo la plupart d' son timps infreumé derriere l' vitrine, i profito du solel, et cha li donno eune forte odeur que j avo ker

le cahier d' composition , chéto du sérieux, pasque bin sur cha nous arrivo d' faire des dictées tout au long du mo...

quand que j' dis "cha nous arrivo", j auro pu préciser "plus souvint qu à not' tour" ou "bin plus qu asteure"

in in arpalera dans un aut' sujet des dictées j' allo dire "normales" ...


mais la dictée qu in faijo dans l' cahier d' composition, chéto quéquosse ....
un ramassis, ouais j' dis un ramassis, j auro pu dire un "touillache" ,un touillache d' toutes les leçons d'orthographe qu in avo eu durant l' mo, "agrémintées" d'ché zaccords grammaticaux les plus tordus qu in avo appris...

bref chéto que "chausse trappes"et pieges à répétition.... in y trouvo toutes les exceptions d'la langue française qu in avo appris dins nos leçons de Bled

savez du ginre " tous les gningnins s' accortent au pluriel SAUF...."

"tous les mots qui s'finissent en gningningnin , au pluriel prennent un gningnin SAUF ..."

"le verpe untel, i se conjuque non pas avec le verpe avoir mais le verbe ete"

alors j' me d'minte si chéto ch'maite, ou alors yavo quéqu un au d'sus d' li , dans un bureau qui s éto amusé, méquamint, à essayer d' nous piéger in arsortant toutes ché exceptions, toutes ché particularités, qui parait il "font le charme de notre belle langue française" mais surtout qui font suer , et là j' su cor poli, ché pauves zéfants des classes primaires ....

l' dictée, cha pouvo cor aller, mais yavo pire, yavo ché questions in d'sous, et là chéto qu' des coups à attrapper eune méningite ....

du ginre , mettez me au pluriel "un chacal minche un ail", "un porte manteau rouge" etc etc

yavo d' autes supplices, mettez ch' te phrasse au subjonctif passé , au futur antérieur et pour finir mettez me cha à l impératif passé du groupe intransifif à la trosieme personne du singuyier pluriel .......

après cha zallez dire in pouvo respirer, nan mes gins, i fallo souligner ché zattributs , ceux et pi qui tetent, les conjonctions d' coordination, tient au passache, si vous pourriotent toutes les citer cha f'ro pas d' mal

et ainsi d' suite ....

cha ch'éto in français, mais en calcul, j' me souviens que ch'maite i avo sorti les multiplications d infer, avec des zéros au miyeu des chiffes, des additions avec des chiffes que JAMAIS cha quéyo du ginre 4+2 , nan à chaque coup té passo ché dizaines dins tes calculs du ginre 47+26 ...

sans parler des cyclistes qui roulent in direction l un d' l aute avec un séau d io dins l' main mais qu à chaque coup qui passe eune bosse i perd 20 centilites d iau et qui a chinq bosses such' trajet et qu à l arrivée i reste les 3/4 d un tiers d' décalite.......

y a des momints qu on qu in voyo ché questions, in mingeo l' bout du porte plume in s'ravisant d' travers, en s'demindant " in l a appris cha ?"

cha ch'éto un sine avant courreur qu in auro pas la moyenne ......




par Sopraniste de Bruay le, 04/02/2015

mi in primaire à l'école Jules Ferry ed Bruay, in avo un instit' in 1946 assez bizarre ,et même plusque bizarre, dé coups i prénot sin coutieau et il plantot dinl tableau... nous in avo l'habitude
y resto dinl' l'impasse ed la Brasserie à Bruay. chétot cor un ancien directeur M. Hanon ej cro..

mais par la suite in a eu comme directeur M. Quillot, qui vénot d'Haillicourt, et em' instite M. Duflos.. alors là mes gins, cha juo pas du coutiau.... mais des punitions si té savo pas tes leçons.. avec des interrogations écrites.... sur toutes les leçons, et récitations..

cha fait bétot 70 ans,mais chétot comme si chétot hier.... n'impêche que si té savo travailler ed' mémoire, in a eu el certficat d'études... chéto un 1949..... ouaw.......


 


Contact | ©2005 histoires-de-chtis®.com - Webmaster : Gold77 - CNIL : 1075910 - 5 visiteurs connectés - Qui est connecté ? |