tricoter

ya bin longtemps qu'ech'voulos in parler mais in fait pas toudis s'qu'in veut, mais s'qu'in peux et ch'peux peux
j'voulos faire comme em'mère et mes soeurs , apprinte à tricoter , j'ai tellemint im,,,,,,,bété em'mére , qu'in faut al a montée in dizaine ed'points d'su in aiguil , "tiens qu'al ma dit fait te un cache nez, au moins pindint ch'temps la té m'foutras la paix "

à l'époque in étot d'ja sept, ech dernier yétot in route " et pi surtout pindint ch'temps la té f'ras pas l'brigand , et ch'pinse qu'au début al a du l'argretter , passe que tous les 4 dogts ch'l'appellot "man j'ai perdu un point" "man ya un tros" des fos j'allos l'd'mander à in d'mes soeurs

et pi tout duchemin cha a vénu , duchemint ché vrai mais ya fallu du temps avant d'arriver à faire un cache nez a peu prés potape
et au bout d'un certain temps grammint plus long qu'vous l'pinsez , j'm'ai amélioré in tricotant à 4 aiguils , et malgré tout min savoir faire, bin j'étos arparti comme au début "man j'ai perdu un point , man ya un tros "

bin la incore avec tous mes qualités j'ai réussi à faire des pulls , avec des torsades , ou d'autes fantaisies
in racontant cha j'arvos em'mère , din ses momints d'arpos avec sin tricot din ses mains , et s'quatrième aiguil din ses caveux " j'ai essayé din mes caveux cha marchot pas " cha m'impéchot pas d'aller faire el brigand et d'juer au mapes

l'prochain épisote din XXXXXXXtemps , ch'vous direz, din l'détal commint , qu'in fait des cauchettes et des gants avec 4 aiguils et des resses ed laine

Eh! minloute t'as jamais appris à boucher ches trous dins un pull surtout un qui a fait parler longtemps et comme té vos in' in parle cor.