merci à internet

merci à internet qui a permis d' mette en relations des gins qui habitotent à bien des kilometes les uns des autres, ou alors cor plus cocasse, des gins qui habitotent dans le meme quartier ou l' meme ville

commint qu in auro pu s' connaite sans chte formidape moyen de communication

au delà des sites , y a eu des rencontres , j a toudis en mémoire les photos des mining, Daniel Poquet avec Martial Ansart et Bernard Bourdon, Sopraniste de Bruay avec Maurice Devos ou André de Marles

au delà des sites , y a eu des échanges de mails, des affinités, des amitiés qui s'sont créées

avec Roger Ouziaux, in discuto souvint par mails, pi à un momint i m a parlé de soucis de santé de son épouse, chéto eune correspondance plus épisodique, jusqu au jour où in a archu comme un coup d' poing dans l' guiffe, un mail d'eune d'ses files
ale préciso à tous les correspondants de la boite mail d' sin père, que Roger éto parti , Marie Claire et mi cha nous avo grinmint marqué ......

quequ'zannées après, j' vous la fais courte, j éto armonté à bruay , et j' su passé sans prévenir chez Daniel Poquet, la mémoire du quartier du 3
j' buque as'porte, i ouffe, j' dis " Daniel Poquet bonjour, je suis minloute"
i m a ravisé, cha a duré 2 secondes, et y a dit "rinte" et quand qui a dit "rinte" , t avo compris ...

in a grinmint correspondu par mail par la suite, et j a cor été mingé chez lui au mois d 'aout , l année qui nous a quitté pas 2 mos après ...
et dire qu en partant in parlo de déjà s arvire ......

parel , internet , histoires de chtis, cha m a permis d' rincontrer André, j' va pas m étende sur cha, j a cor du maux à min cœur

grace à li in a monté insempe là haut du coté d'Marles, in a rincontré Henri Raimbaut

un personnache attachant, entier, bavard, curieux, vraimint que bon momint in a vécu ach'momint là

qui auro pu accroire qu' un an après ,Henri et André i serotent pu là

que vous dire d autes, que j armercie cor Marie Claire pour l idée du pèle mèle, avec ché noms d ' chez gins, ch'est pour dire aussi Merci ..

en résumé, ch'est une belle aventure humaine