L'intrée del maison !!!

Un étot tout jone et in avot fait connaissance au ciné d'el plache d'Oignies, chétot L'ALCAZAR!! et chpeti flirt a vite tourné in quetcosse d'sérieux!!!
la vie ds'amoureux étot facile, mi j'etos du matin et elle travallot al 'confection et chbus y rintrot à 5 h
Mais pou s'vir au bal, ch'etot pas possib!!!
J'devos d'minder l'intrée del'maison chétot comme cha!!!! aller expliquer cha à ches jones d'achteur

Mais ch'papa chétot un dur, marqué comme meineur d'grêve!!! et y avot pas le caractère facile!!!

J'avos TOUT contre mi!!!! j'etos catho et li athé, j'etos à l'cftc et li à la sfio, y étot champion d'belote et mi j'avos horreur ed cha!!!! j'etos UN GRIS!!!!!(un polonais) et y zavot pas quer du tout suite à un premier divorce avec eune polonaise et SURTOUT EUME N'AMOUREUSE N' AVOT que 16 ans!!!!!!

Vla ti pas qu'au fond, à l'accrochage je me fais coincer par eune balle et un bras cassé!! youpla la chance!!!
Ben ouais ch'futur biau pere y allot pas foutre à l'porte queuquin avec un bras d'unl'platre!!!!

j'ai eu tort d'in parler à m'Julie car quand je me suis pointé, d'peur elle et s'mere zétot sauvé ché eune
ma tante!!!!
Hé bin croyez le ch'a s'est très bien passé!!!! et quand je suis parti j'y ai d'mindé, alors Mr H... quo qu'vous m'autorisez à frequentez vo fill????? y m'a repondu elle te donnera m'reponse eusse soir au bal.....

et voila!!! bin sur y a fallu attindre l'age pou s' marier et in a connu comme tout un chacun des hauts et des bas
et demain cha fera 49 ans qu'in s'a dit oui!!!! plus 3 ans de fiançailles !!!!

qu'in j'y r'pinse à ch'temps des baisses et des mamours!!!! jamais in a pensé qu'aujourd'hui, tous les matins
j'me pencherai su l'tabe ed cuisine min cu....à l'air et elle me massera avec du voltarene avant de mettre d'el vaseline sur mes pieds et d'infiler mes bas d'contention!!!!!!! queu vie!!!!!

Comme ch'est bien raconté, j'viens d'y lire à m'n'homme tin messache.
A peu près parel, m'n'amoureux vénot à l'mason comme copain avec d'autes jones d'nos âches. Sauf qu'in dévennot un peu plus qu'des copains.

Min père avot compris l'manège, m'mère ale étot au courant mais n'disot rien, Min père a voulu in savoir plus sur ches intentions du jone homme. Il a pris eune journée d'congé pour m'pister et quanque m'n'amoureux est arrivé à l'maison y avot min père assis au bout del'tabe face à l'porte d'intrée attindant l'soupirant. Juste à côté de l'porte y avot eune cayelle.

Quanque m'n'homme a ouvert l'porte y s'a artrouvé face à min père (m'mère m'tiote soeur et mi i nous avot expédiées dins l'pièche de d'vant. M'n'homme surpris s'a assis sul cayelle quanqu'il a intindu sur un ton solennel : "alors t'as queque cosse à m'dire d'important ?"

m'n'homme a du dire que ch'étot du sérieux entre nous et qui demindot l'intrée del mason et l'drot de m'fréquenter. Après cha min père a appelé l'restant del famile et in a arrosé cha avec un tiot verre d'vin.

Et voilà parel nous vlà avec 52 mariache + 2 ans d'fiançailles.

bin mi j'ai pas eu ch'problême la , min bieau père yétot d'ja D C D , mais quand m'bielle mère al m'a dit faudra m'prévenir 6 mos a l'avinche pour vous marier , du tac au tac j'y ai répondu in comptant d'su mes dogts, bin cha s'ra au mois d'mars "cha été l'première et dernière connerie d'em'vie " et cha dure ed'pu 50 ans et dmi

par conte quand elle a vénue l'première fos am mason , min père y m'a prété s'403 "exceptionnel" j'ai été l'querre as'mason, pas d'problême ed'présentation , "j'avos 26 ans" et suremint qui comminchotent à désespérer, et pi d'un seul coup j'ai comminché a tranner, à avoir frod, cha trannot d'el pointe ed'mes caveux jusqu'ach'bout d'mes ortels
ché min père qu'ya été obligé d'l'arconduire , el lendemain lundi , j'ai pris ch'train al gare ed'Lens comme d'hab , pour aller à Marly les Valenciennes du qu'ech'travaillos , et l'samedi midi j'ai été l'arquerre al sortie d'l'ouvroir à Liévin du qu'al travaillot

cha ça arproduit 2 ou 3 fos par la suite mais d'moins un moins fort , et cha a été fini et in a jamais compris c'qui s'avot passé j'usqu'à un jour qu'min médecin traitant y m'a dit qu'chetot suremint in crisse ed'palu , cha n'a pas impéché d'nous marier
ch'finirai d'main j'ai mes yux qui s'broultent

bin mi à l'inverse ed' Bernard , mi j'etos et ch'su cor athée , par conte em'bielle et el plus viel ed'ses fille chétot "excusez me" des culs benis , à tel point qu'al sa mariée avec ech'BON dieu "pas m'bielle doche", qui m'a jamais été présenté, j'aros bin voulu connaite min bieau frère mais,,,,,,,,,,,,,

cha n'a pas impéché mes infants d'faire le communion et le baptême , bin sur j'ai pas assisté , sauf ach'ches arpas , ché suremint pour cha qu'j'ai accepté , après y ont fait s'qui ont voulu , in da qu'in el plus viel d'mes files qui continu sans vraimint pratiquer

pour chés polonais chetot "sale polak" pour chés italiens "sales macaronis", pour chés français "sals vargoles , et mi bin chétot sale vargole " français ou sale flamint , mais cha n'impéchot pas la incore ed'passer nos journées insanne, comme quo in peut ête bon copains , bon mari ou femme in ayant d's'idées différentes