Les jardinsQuelques objets de la fosse 3 de Bruay
par GJD le, 05/12/2015Allez, l’sirène al vient d’sonner, tertous al l’fosse ! J’vas vous faire vir un’ photo d’el fosse n°3 bis qu’a dû être faite intre 1918 et 1924.
1918 pasque ché à partir de ch’t’année là que Bruay d’vient Bruay-les-mines et 1924 pasque là Bruay-les-mines ed’vient Bruay-en-Artois.
On peut y vir, au premier rang, cheul’ 7ème in partant d’la gauche, min grand-père maternel. On vot aussi des galibots (j’in vos 7) et chés outils : l’pique à veine (pas d’rivelaine), ch’hache ed’ boiseu’, l’barette in cuir.
On peut vir aussi leu’s béguins ed’d’sous. Ch’porion ché Cambien. L’photo all’ est signée L Denis Derenty.
J’ajoute à cha deux riv’laines.
L’première all’est in un seul morcieau, comme chell’ qu’on peut vir dins les mains de ch’mineur sus l’tomb’ ed’ Jules Marmottan au cim’tièr’ du 3 à Bruay (vir ell’ carte postal’ jointe) et l’aut’, all’ peut s’démonter. Ch’manch’ l’est pas d’origine et trop pétit, ché pasque les deux all’s z’ont été artrouvées dins les cabinets d’nôt’ voisin qui m’les a données, y savot qu’j’avos ker les vieusries.
J’ai aussi mis trois taillettes du n°3 qu’all’s étotent à min père.
Un’ carte postal’ ed’ Sainte Barbe avec chés mineurs qui font briquet. All’ est plus récent’ pasqu’y zont l’lampe au chapeau. All’ dot êt’e des années 50.
( 7 photos)
