odeur d' friture
par minloute le, 21/01/2016quand que j' dévale in vélo l' cote pour arvenir à mason, in bas, y a un mac donald et quand té passe à coté teut' print dins les nifflettes l odeur d' ché frites
j' dis pas qu ale sont bonnes attintion, mais cham' rappelle quand qu in passo par l avenue de la plage à merlimont
ah vinguette, quand qu in passo devant ch' bistrot qui s appelle asteure " l ambiance " ( j sais pu si chéto ch' nom là djà à l époque) , savez chti qui fait l' coin de l avenue de la plage et de la rue dugay trouin
j' me souviens que chéto marqué sul' devanture, "on peut apporter son manger" et sul' coté yavo eune friterie qui leur apparteno
oh vinguette que cha sinto bon, j' avo m' langue à terre rin qu à vire ché familes attablées avec d' grands cornets à frites avec del mayonnaisse d' sus, pi des grantes pintes d' biere pression servies dans des grands verres d' marque Jupiler ......
oh la la ,j' me souviens un coup , min père i m avo rattrapé à temps, j' traverso l' route sans raviser, l' tiete toudis en direction del friterie ...
bien sur in n acato jamais , j' tiro min nez, meme que j in avo parlé un coup am' grand mère qui éto aussi en vagances à Merlimont et qui avo dit d eune façon péremptoire
"d' toute fachon ch'est pas bon ch'est cuit avec del queue d' cheval"
ah cha quo que vous voulez que j 'réplique .........
Bien Minloute pour trouver ton site pour le château d'eau de Merlimont. En consultant les cartes IGN j'ai pu voir que la commune d'Espelette (64) avait environ 1 ou 2 mètres de frontière avec l'Espagne....
Concernant l'odeur ed friture rappelle t'eu el barraque à frites ténue par "grand mère" rue des escaliers à Bruay. Des frites faites al graisse ed bidet. D'ailleurs vers la in des années 80, j'avos aquaté d'el graisse ed bidet en litre al boucherie Terwagne in bas d'el cote Basly et j'avos fait des frites avec d'in m'cuisine. J'tai dit pas l'odeur mais quel délice.