eune pinsée pour eusses ....
par minloute le, 31/01/2016j' su en train d' "épurer" m' boite mail, j utiliso outlook express, tout in ayant gmail, cha a fait que y a quequ' semaines j' m a dis , minloute faudro commincher à trier c' qui a sur t' boite gmail
cha faijo doublon avec m' boite outlook express, donc j avo, plus d' 3000 messaches non lus ....
j'pinso d abord , non pas par un coup d' baguette magique, mais in appuyant eune paire d' fos sul' bouton del poubelle, supprimer tout cha pisque j' les avo djà lus
pi j' a eu (la bonne) idée d' les zarlire, et voyez, avec du recul, ya certains mails que cha vous print aux tripes
in les lit autremint, on les lit aussi en sachant c' qui leur est arrivé après ....
sans rintrer dans l' détal, ché échanges qu in avo avec André de Marles, ché séjours à l hopitane, ché momints d' doute, ché momints d espoir pour s' santé ......
meme reflexion pour les mails avec Daniel Poquet , gros doutes sur s ' santé, pi des momints du qu' cha repreno l' dessus, qu in auro cru qui éto arparti pour un bon momint
tout parel avec Henri Raimbaut .....
sans parler d' nos momints du qu in comminto nos rincontres ........
et que dire d' tous ché courriels, avec Jacques Janquin ...
l' pire pour mi ché ché messaches "partagés" du que chacun donno s' n ' avis et que j' me rind compte qui a pu qu' mi asteure ......
ch'est André et Jacques avec qui j a l' plus échangé, zétotent aussi très proches l un d' l aute
j 'do dire que j a du mau à arlire nos échanges JPP quand qu in s' inquiéto del santé à Jacques ........
cha y est i sont tous partis
Daniel , André et Jacques i sont au cimetiere du 3 d' bruay
sur que quand j armontra à Bruay, j' ira là haut, such' plateau battu par les vints aller les vire
quand que j' dis "aller les vire" cha a rin d' péjoratif, pour mi , i sont toudis avec mi quand que j écris