à l'arrière del carette ou tournez mes gins tournez fin

Cha fait queques sujets que dans l’ tite ch’est marqué « tournez mes gins tournez », sans que j’ vous donne d explications …..
J’ vous avo dit qu’ min père avo trouvé un itinéraire bis pour aller à merlimont, in tournant à marconelle ,tout cha bin avant que bison futé i existe …..

Mais d années en années, in s a artrouvé d’ plus en plus nombreux sur chte route… au grand desespoir d’ min père , pour qui ch’ te route là chéto « sa » route …..

In a connu ché premiers ralentis’mints, là, sur des tchiotes routes d’campagne, que min père attindo avec impatience un tchiot carrefour , tout perdu au miyeu des champs immenses, du qui yavo plein d’ carettes qui tournotent à gauche pour couper et arjointe plus rapid’mint berck


"Tournez mes gins , tournez ", qui dijo min père cha n in f’ra moins sul’ route
pour nous arjointe montreule, sorrus et la suite qu asteure vous connaissez …

Am’ mote que l’ comportemint des automobilistes cha a pas du echapper à un constructeur d’ bitume....

que progressiv’mint ya eu eune déviation, ou plutôt eune bartelle , qui a été mise en place à la sortie de le parcq , pour éviter hesdin et …..arjointe campagne les hesdin

Sacrilège ! là l’ route pour mi ale avo perdu grinmint d’ son charme

yavo pu qu à suiffe, et bin sur asteure tout l’ monte i s ingageo par là, et rapid’mint l’ route quand que chéto les départs en vagances ale éto fort bouchonnée…

Après in arrivo pu exactemint du coté d’ monteule, nan, in arrivo du coté de wailly beaucamp , du que par la suite i zont construit un hopitane au miyeu de rien

De là fallo armonter par eune route , qui pour mi arsimblo à rin ,ou en tout cas n avo plus le charme d’ passer par st josse, pour arriver à capelle et de là , tourner à gauche pour aller vers merlimont villache

Al’reflexion, quand que j’ dis que cha n avo pu le charme d’ passer par saint josse, j’ cro aussi que la vision que j avo d’ merlimont j avo pu l’ meme plaiji d y aller en étant ado, que quand qu in éto tchiot ….