Merlimont les responsabilités d un papa

j a arlu c'que j avo écrit sur l arrivée à Merlimont ...

comme ché gins qui ecriffent bin, j diro que j a été un peu "réducteur" dins l'role qui juo min père à l arrivée à Merlimont ...

oh mon papa , si beau si doux si généreux, comme i canto quequ' fo ........

j a oublié d'dire que min père avo 3 grantes missions qui li étotent réservées

d' abord quand qui rintro dins l' mason i allo ach' compteur électrique, un monstre, et i inclincho difficil'mint l'languette , que cha faijo un grand clac, que j avo peur qui s' prenne te pas l'tricité dins les mains .....

l' deuxieme et pas la moins dangereusse, chéto d aller ouvrer l' compteur d eau
là i s allongeo à coté pour artirer 2 plaques d' ferales qui étotent sul' dessus, pi après i artiro tro quate sacs d' toiles d' jute qui avo mis d' sur, pi un paquet d' sacs plastiques qui avotent été dans un temps pas si viu, des sacs à carbon

eune fo tout artiré, fallo pas avoir peur, vu que ch' compteur d io i éto toute l année in sous location et qui yavo à l interieur au moins 2 crapauds in permanence .....

qui t'ravisotent toudis du coin d' leule quand que tét' pincho, ou plutot quand que j' m avincho prudemmint d' peur qui m'sautent te pas al' guiffe ......

après min père i armetto tout in plache et i allo as' barraque

là i allo querre des viux jurnals d' la voix du nord d' l année passée, du tchiot bois d allumache qui avo amené d' bruay ........ pi eune charbonniere d' boulets

là trono jusqu à la fin des années 60 dins l'premiere pieche qui faijo à la fois cuisine, salle à manger et de "salon", yavo eune viele cuisiniere de marque chappée

ale avo fait djà sin temps, in pouvo pu s' servir du four, ale éto toute émaillée, d' couleur beige creme, et avec pleins d' roses d' dessinées su la façate

mais là mi j' la connu vraimint en fin d' vie, et pour l alleumer mes gins, in ouvro tout grand portes et farnietes....

commint dire ale refoulo du goulot.....tant qui avo pas eune grante flamme à l intérieur , cha finquo , in se s'ro cru à l avant d eune locomotiffe, à coté d' jean gabin , à juer dans la bete humaine .....

mais bon cor rapid'mint l finquée al' parto, cha avo cor contrarié m' mère dins son timingue, zavez vu j' parle inglais asteure, et l installation à merlimont , pour m' mere chéto comme un chemin d'croix ......