pour et' plus intelligent .....
par minloute le, 05/04/2016 sauret et pétotes à l io ....
nous vla chi soit samedi au soir , ou diminche matin, cor que vaut miu que cha soit samedi au soir que diminche au matin ...
j in a un souvenir d un diminche matin, du qu' min père i faijo cor arcuire ch' sauret, sur eune espece d' poelle grille, comme si y éto pas assez fumé.....
j' sais pas commint vous l' décrire, mais i poso cha such' fourneau et là mes gins , finquée assurée dins l' mason , cor heureux qu ach' momint là yavo pas cor d alarme incendie sinon cha auro pas arrété d' sonner ......
m' mère ale avo mis in plache l' plan orsec, in rimballant vite fait ch' linche qui sécho dins l' cuisine , (pour profiter d' la caleur dech' fourneau)
sauret et pétotes à l io...que plaiji à minger, cha chéto l' plat typique du ginre , samedi soir, nuit tombée, volets freumés, et drache qui quet sur ché vitres....
du ginre comme dijo m' mère "in est bin miu ichi que dehors " ......
ouais, mais in savo qu in devro d' toute fachon arsortir , vu que ché cabinets i zétotent dins l' cour ...........
sauret , pétotes à l io, j' auro pu ajouter, pi morciau d' beurre su ché pétotes ...
repas tout simpe, que j avo ker moyen'mint, savez quand qu in est tchiot, le hareng saur, ch'est quand meme fort in bouque...
sans oublier qui a des coups yavo des zeufs , mi cha m' écoeuro cha, j' préféro et de loin , un morciau d' lard avec ché pétotes à l io ...
mais bon comme dijo m' mère à l époque " faut minger d' tout".......
sauret , pétotes à l io, mais pourquoi ch' tite " pour et' plus intelligent"
ch' est que min père i dijo que si in mingeo ché zieux du sauret, chéto plein d' phosphore et que cha rindo intelligent ...
am' mote j a pas du assez in minger .....
sauret, pétotes à l io, ch'est un plat qu in minche d' moins en moins, pi cha dépind des régions, ch'est pas forchémint dins ché zhabitutes d' ché gins ...
mais voyez, j a quand meme eune belle photo, ch'est min camarate Marcel sur facebook, qui avo mis ch' te photo là
( j a quand meme d'mindé si j' pouvo l utiliser sul' site, j' su pas un sauvache quand meme ...)
Marcel sacré mingeux, qui a ker ché bonnes chosses qu in mingeo co à nos masons y a eune cinquantaine d années , m a rappelé un bon momint du samedi au soir, al' mason, nuit tombée , volets freumés, ......
saurets pétotes à l'ieau...chéto el repas du pauffe, comme in diso à l'époque.
Ravisez achteur el prix d'un sauret ou bien d'un maquereau fumé!!! mi j'vous dis que les pauffes i n'ont pu les moyens d'in minger.
In tous cas n'oubliez pas de les ouvrir par le haut du dos ché comme cha qu'on a le moins d'arêtes (ou plutôt "d'érêques" comme on dit din le haut des Hauts de France).
( 1 photos)