de l azerbaidjan à la cote d ivoire en passant par oman ...
par minloute le, 16/04/2016j' voudro pas porter la poisse au RC Lens, mais comme diro l' aute "j el sins pas" ....
j'espère me tromper, mais j' vo que Gervais Martel y a querre les solutions "exotiques" ....
cha nous permet quand meme d' voyager, d' aller raviser sur eune carte du que chéto l azerbaidjan , du qui habito Mamadov...
là ch'est cor un peu plus disparate, djà que le futur prochain candidat à la reprisse, ouais ch'est comme cha qui faut dire vu qui a cor rin d' signer......
rin qu à s' personne , in diro djà un montache financier ....
ch' gars là y est ivoiro omanais......
j espère qui est plus omanais que ivoirien, vu qui parait que ch'éto un proche de l ancien président de la république d ' sin pays, et que ché fonds financiers dins ch'te pays là i sont bloqués ....
cha comminche bin comme diro l aute
après si y a plus d argent du coté d' Oman, (là aussi Tonton Gervais i m a obligé à printe m' carte pour bin situer du que chéto Oman ), si y a plus d argent qui vient d' la bo , cha sero plus rassurant ..
mais , bon, zallez dire que j' su pessimiste, mais quand qu un clupe i pourro appartenir à eune seule personne, mi j'em méfie ...
sur qui a des clupes meme asteure qui appartiennent à eune seule personne , comme à rennes, chelsea, monaco
mais ch'est des investisseurs qui sont européens, ou au moins qui ont des entreprisses implantées en europe
mi les "ovnis" , les "sauveurs" qui arriffent ed'nulle part, j' em méfie .......
souvint in l a vu par le passé, chés gars là , soient ch'est que des annonces d' rachat que cha va pas au bout ...
j a cor in tiete, jack kachkar, l homme d affaires canadien qui voulo racater l olympique de marseille y a eune paire d années
alors , aujourd hui in sait pas c' qui va in advenir d' tout cha..
pi pour rassurer l' tout, pour cor avoir eune confiance absolue en Tonton Gervais, i avo dit lors de s' derniere réunion avec les supporters du 12 lensois , que le prochain investisseur i sero européen ...
donc Tonton Gervais i m a mis dins l' doute , j a bin ravisé sur mes cartes...
la cote d ivoire et oman, à moins qui zont arjoint le marché commun dins la nuit, am' mote que ch'est pas en europe .....
allez in y cro cor au rc lens, in va essayer d y croire ....