Claude Duhoux, passeur de mémoires

si vous voulez savoir quéquosse sur Lens, pour mi y a un vrai espécialiste, ch'est Claude Duhoux

meme si i réside in normandie, ch'est comme si y éto toudis là haut ....

supporter d'es ' région et du Racing Club (y est comme mi i souffre inch'momint), Claude i est incollape sur Lens

ch'est pas arrivé tout seu, ch'est sur que qu on in a ker , in d'vient vite eune référence, ( j a toudis in tiete André de Marles , qui en moins de 10 ans éto devenu un expert des lampes d' mineur)

ch'est des mos d' recherches dans les archives, ch'est la compositions des textes d accompagnement et tout cha cha prind du temps


j' vous recommande pour ceux qui l' connaissent te pas, de buquer sur l arnitoile " le lensois normand"

que vous dire d' plus, ch'est un traval d' fourmi, et d'eune très grante précision

si vous etes d' Lens, natif , "expatrié" , vous apprindrez plein d' chosses sur vot' ville

in apprind meme que Lens éto djà eune plaque tournante du commerce à la fin du moyen ache, vous dire avec quoi, bin faudra cacher par vous meme ....

dernier investis'mint de Claude Duhoux, la publication d un liffe qui s intitule "Lens 200 ans de métamorphose"

alors du qu in peut l' trouver? j' parle pour ché gins qui sont pas forchémint du coté d' Lens

suffit d aller sul' site d' la voix du nord, ravisez dans la boutique des lecteurs

après zallez dire cha do couter ker, bin ch est pas plus ker qu un paquet d' toubaque, ch'est cor dins vos prix .....

C'est à cette adresse que vous trouverez le livre de Claude , LENS 200 ans de métamorphose :

http://www.laboutiquedeslecteurs.fr/livres/livre-lens-200-ans-de-metamorphose.html

Et vous le trouverez également dans les librairies, de plus Claude fera une séance de dédicaces le MERCREDI 25 MAI à 15h00 au Furet du Nord, Boulevard Basly à LENS