les expressions intindues al' mason suite

j' vous avo dit qu' min père i imployo des expressions qui avo intindu tout au long des' vie, principal'mint à la radio mais aussi al' télévision ...

et souvint des slogans publicitaires ....

in avo dro à

CH EST PARTI MON ZAPPY....

am'mote en hommache à Zappy Max , qui animo des émissions dans les années 50 à radio monte carlo ou radio luxembourg ...

FOUZY DU VIRLUX .....

cha ch'éto espécial, ch'éto eune expression d' min père, pasque au début des années 70 , quand qui yavo eune arrivée du tour de france, y avo toudis des gins qui s' mettotent en arriere plan d' la caméra quand qu in interviewo ch' gagnant d ' l étape ..avec eune affiche virlux

virlux ch'éto eune marque d' beurre qui éto partenaire du tour de france

quand que min père i busio dins sin coin, qui éto dins ses pinsées et qu in li d'mindo à quo i pinso ...

i dijo J AI REVE D UNE FLEUR

alors j a caché, chéto l' nom d eune opérette de vincent scotto datant de 1932 et dont l' canchon principale a éto interprétée par tino rossi

quand qu in li d'mindo sin avis sur quéqosse qui mingeo et que ch'éto bon (là fallo li d'minder, par conte si y avo pas ker , cha in l intindo tout d' suite ..)

alors Léonce c'est bon ? qu ale demindo m'mère quand qu ale avo fait quéquosse d' nouviau ...

i répondo DU BO DUBON DUBONNET , ch'éto eune marque d' apéritif


si j' commincho à trop parler, j avo dro à

BAISSE UN PEU L ABAT JOUR


si j' in faijo d' trop ...

TE TROMPE D ADRESSE.....

si j' laisso mes mains dins mes poches j avo dro à

EH T AS MINGE DU CANARD ?


si in li d' mindo sin avis et qui voulo pas réponde i dijo

MOI J'SU NE DANS L'FAUBOURG SAINT D'NIS ...


c'qui éto faux vu qui éto né rue raymond deruy en 1911..

mais y avo ker comme cha réponde par eune entourloupe


pour info, moi j' su né dans le faubourg saint denis , ch'éto eune canchon de Mistinguett

voyez cha comminche à dater ..

mais yavo ker aussi utiliser ch' t expression complete? quand qu in voulo li faire avaler des couleuves ..

MOI J'SUIS NE DANS LE FAUBOURG SAINT D'NIS
FAUT PAS M'LA FAIRE J'SUIS UN GOSSE DE PARIS

et pour terminer, pour signifier que le sujet sur les expressions est finI.....

j' diro bin ENLEVEZ L' BOEUF, CH'EST PAS D'LA VACHE ......

(t'as vu P'pa, j' a rin oublié...)