à quo qu in va avoir dro ch' t' année ?

j' sais pas si j' su devenu pessimiste, mais à l annonce imminente du début du tour de France, j' su djà un peu mate ...

faut dire que ché derniers 20 ans , si in veut pas s' voiler la face , cha a été à postériori des podiums qui sont tous à arfaire ...

sur qui a eu l' cas Amstrong , l affaire Festina, pi i suffit d' lire tous ceux dont qu in a artiré le titre de vainqueur du tour, ou qui ont été avant ou après rattrapés par la patroule comme in dit ........

cha avo comminché .....y a bin longtimps, sur que cha fait un momint qui roulent te pu à l io claire , mais j' me souviens du cas Pollentier à la fin des années 70...

qui avo camuché eune poche d' urine qui li apparteno pas , et qui conteno pas d'traces d ' dopache , et quand qui devo picher au contrôle, bin i utiliso chte poche .....


Amstrong in a djà bin parlé, sans parler du pauv' Pantani, j ' dis pauv', pasqu i y a pas bin fini, un décès un tchiot peu mystérieux dans eune champe d hotel ...

in auro pu s attarder sur Bugno, Virenque , Zulle, mais in fait tous ché grands gagnants des 2 dernieres décennies, j pinse pas que ch'éto qu avec du naturel ...

pire, asteure y a un "fort soupçon" d' vélos trafiqués avec des moteurs camuchés dins l' cadre .......

in fait , depuis queq' temps , eune fos qui n a un qui gane le tour de France, l' jeu, si in peut dire, ch'est d 'savoir chti qui gardera l'plus longtimps ch' maillot jaune...eune fos la ligne d arrivée franchie ...

in plus avec ché analyses d urine qui gartent asteure, et qui font des tests quequ' zannées après , j' su sur qui n a qui vont cor et' disqualifiés comme in dit " à postériori"

et pour couronner l' tout , in a fait arvénir Laurent Jallabert aux commentaires sul' tour, alors qui s a fait attraper , et que inter nouzautes, in avo djà d' gros doutes sur li, quand qui faijo partie de la formation espagnole "once" et que cht équipe ale participo à toutes ché courses SAUF celles qui s' déroulotent en France, du que ché controles étotent plus poussés .....

nan mais in va raviser quand meme, au moins pour les paysaches d' montagne, après, in verra bin qui qui va gagner, mais in ayant toudis un léger doute, dans un coin d' la tiete ....